អ្នកឧកញ៉ា ស៊ួរ វីរៈ គឺជាអគ្គនាយកក្រុមហ៊ុន វីរៈ ប៊ុនថាំ ដែលជាក្រុមហ៊ុនដឹកជញ្ជូនអ្នកដំណើរ និងអីវ៉ាន់ឈានមុខគេនៅក្នុងប្រទេសកម្ពុជា ខណៈក្រុមហ៊ុននេះត្រូវបានបង្កើតឡើងកាលពីឆ្នាំ២០០៤ ដោយរហូតមកដល់បច្ចុប្បន្ននេះបានពង្រីកសាខាប្រមាណ៨៥០ កន្លែងហើយ នៅទូទាំងប្រទេសកម្ពុជា ប្រទេសថៃ និងប្រទេសវៀតណាមជាដើម ។
យ៉ាងណាមិញក្រៅជាម្ចាស់ក្រុមហ៊ុនដឹងជញ្ជូន បច្ចុប្បន្នះអ្នកឧកញ៉ា សួរ វីរៈ ក៏កំពុងកាន់កាប់រីស៊តស្អាតៗចំនួន ១០ កន្លែងផងដែរ ដែលមានទាំងនៅលើកោះ នៅលើភ្នំ ហើយរីស៊តទាំង ១០ កន្លែងនោះរួមមាន៖
កោះអភិជនរីសត គឺស្ថិតនៅលើដែនដីកោះស្ដេច ក្នុងស្រុកគិរីសាគរ ខេត្តកោះកុង។ កោះអភិជនរីសត មានទេសភាពដ៏ស្រស់បំព្រង ទឹកសមុទ្រថ្លាខៀវស្រងាត់ប្រៀបដូចកញ្ចក់ឆ្លុះដល់បាត ឆ្នេរសាច់សម៉ដ្ឋក្បុសដ៏វែង អមទៅដោយផ្ទះស្នាក់នៅ រចនាឡើងយ៉ាងប្រណិត តម្រៀបគ្នាជាជួរបណ្តែតពីលើផ្ទៃទឹក សាកសមបំផុតសម្រាប់អ្នកដែលចូលចិត្តឯកជនភាព ហើយចំពោះវិញគឺមួយយប់ ២៣៩ ដុល្លារ។
២. ឧទ្យានបោះតង់
ស្ថិតនៅក្នុងឧទ្យាជាតិគីរីរម្យ នៃខេត្តកំពងស្ពឺ ឧទ្យានបោះតង់នៅគីរីរម្យ គឺជាកន្លែងមួយថ្មីប្លែក ដែលទើបតែបើកដំណើរការនៅក្នុងខែកុម្ភៈ ឆ្នាំ២០២៣ កន្លងទៅនេះ។ កន្លែងមួយនេះស័ក្តិសមសម្រាប់អ្នកដែលចូលចិត្តបោះតង់លេង តែមិនចូលចិត្តលក្ខណៈផ្សងព្រេង។ នៅទីនោះ មានបន្ទប់ទឹក មីនីម៉ាត ហាងកាហ្វេ ឈុតអាហារគោឡើងភ្នំ Music Band ជាដើម។ ចំពោះការរៀបចំវិញ គឺស្រស់ស្អាតប្រៀបដូចនៅបរទេសអ៉ីចឹង ហើយលោកអ្នកចំណាយពេលត្រឹមតែ១ម៉ោងកន្លះតែប៉ុណ្ណោះ នឹងទៅដល់ឧទ្យានបោះតង់មួយនេះ។ សូមបញ្ជាក់ថា នៅក្នុងឧទ្យានបោះតង់ គឺគិតតម្លៃសេវាកម្មផ្សេងៗទៅតាមប្រភេទនីមួយៗ
៣. Eden Beach Resort
ស្ថិតនៅកោះរ៉ុងសន្លឹម ឆ្នេរ Saracen Bay ខេត្តព្រះសីហនុ Eden Beach Resort គឺជាជម្រើសដ៏ល្អ បើយោងទៅលើតម្លៃនៃការស្នាក់នៅ, សេវាកម្ម និងភាពសម្បូរបែប ដែលផ្ដល់ជូនសម្រាប់ភ្ញៀវ ដែលអញ្ជើញមកស្នាក់នៅ។ មានទីតាំងប្របនឹងឆ្នេរសមុទ្រ Eden Beach Resort ហាក់ដូចលេចត្រដែត ទាក់ទាញភ្នែកអ្នកផងទាំងពួង ដោយសារតែស្ថាបត្យកម្ម មានការរចនាខុសប្លែកពីគេ អមដោយការតុបតែងស្របទៅតាមការពេញនិយម និងនិន្នាការនានៃការអភិវឌ្ឍន៍នាពេលបច្ចុប្បន្ន។
បន្ថែមពីលើនេះទៅទៀតនោះ Eden Beach Resort មានអាងហែលទឹក ដែលមើលឃើញទេសភាពមាត់សមុទ្រ សម្រាប់ភ្ញៀវងូតលេងកម្សាន្ត បន្ទាប់ពីងូតទឹកសមុទ្ររួចផងដែរ។ មិនឆ្ងាយពីអាងហែលទឹក មានខ្ចុះ និងកៅអីសម្រាប់សម្រាកលំហែកាយស្ដាប់សំឡេងទឹកសមុទ្រ និងស្រូបយកខ្យល់បរិសុទ្ធនៃមាត់សមុទ្រ បកមករំភើយមិនដាច់គ្រប់ពេល ផងដែរ។
មិនចាញ់រីស៊តដទៃ Bodega គឺស្ថិតនៅកោះរ៉ុងសន្លឹម ឆ្នេរ Saracen Bay ខេត្តព្រះសីហនុ នៅទីនោះមានទេភាពស្រស់ត្រកាល អមជាមួយឆ្នេរខ្សាច់សរ ក្បោះ ពេលល្ងាច អង្គុយជុំមិត្តជជែកគ្នារឿងគោលដៅជីវិត មើលថ្ងៃលិច ពិជាមានន័យបំផុត។
៥. Sandy Beach Bungalows ស្ថិតនៅកោះរ៉ុងសន្លឹម ឆ្នេរ Sandy ខេត្តព្រះសីហនុ
៦. Tube Resort ស្ថិតនៅកោះរ៉ុងសន្លឹម ឆ្នេរ Sandy ខេត្តព្រះសីហនុ
៧. Sara Resort ស្ថិតនៅកោះរ៉ុងសន្លឹម ឆ្នេរ Sandy Bay ខេត្តព្រះសីហនុ
៨. Sarasea ស្ថិតនៅកោះរ៉ុងសន្លឹម ឆ្នេរ Sandy Bay ខេត្តព្រះសីហនុ
៩. រំដួលគីរីរម្យរីស៊ត
នៅមិនឆ្ងាយពីឧទ្យានបោះតង់ រំដួលគិរីរម្យ ជារីស៊ត ដែលលោកអ្នកអាចធ្វើដំណើរលើផ្លូវងាយស្រួល គ្រប់ប្រភេទរថយន្តនិងម៉ូតូ ត្រឹមតែ ១ម៉ោង៤០នាទីប៉ុណ្ណោះ ពីរាជធានីភ្នំពេញ តាមរយៈផ្លូវល្បឿនលឿន ច្រកត្រែងត្រយឹង។ រីស៊តនេះ មានគ្រប់សព្វបែបយ៉ាងទាំងអស់ សម្រាប់តម្រូវការលោកអ្នក ក្នុងនោះមានម្ហូបអាហារមិនបាច់ទិញពីក្រោមក៏បាន មានប្លង់ថតរូបស្អាតៗរាប់ពាន់ប្លង់ និងបន្ទប់ទឹកស្អាត មានបន្ទប់ទឹកក្ដៅ/ត្រជាក់ក្នុងបន្ទប់ Wifi មានល្បឿនលឿនភ្ជាប់ដោយសេរី ភោជនីយដ្ឋានមានលក់អាហារបីពេល ហាងកាហ្វេ ក៏ដូចជាមីនីម៉ាត ហើយចំពោះតម្លៃមួយយប់ចាប់ពី៧៥ ដុល្លារឡើងទៅ។
១០. Pidoma Resort
ស្ថិតនៅក្នុងខេត្តមណ្ឌគីរី បានបើកដំណើរការជាផ្លូវការ កាលពីថ្ងៃទី០១ ខែមេសា ឆ្នាំ២០២២។ តំបន់រមណីយដ្ឋានមួយនេះ ពិតជាស័ក្តិសមសម្រាប់បងប្អូនដែលចង់ធ្វើដំណើរកម្សាន្តទៅកាន់ខេត្តមណ្ឌលគិរី និងចង់បានបទពិសោធន៍ថ្មីលក្ខណៈបែបធម្មជាតិ និងការស្នាក់នៅបែបទំនើប ជាមួយនឹងបន្ទប់ឯកជន លក្ខណៈគ្រួសារ ឬលក្ខណៈគូស្នេហ៍។ កាន់តែពិសេសនោះ គឺធ្វើឱ្យខ្លួនឯង បានស្រូបយកខ្យល់ធម្មជាតិព្រៃភ្នំបរិសុទ្ធ ជាមួយនឹងអាកាសធាតុដ៏ត្រជាក់ ធ្វើឱ្យរសាយបាត់អស់ទុក្ខកង្វល់នានា។ រីស៊តនេះមួយយប់តម្លៃ៦០ ដុល្លារ ឡើងទៅ។
គួរជម្រាបផងដែរថា កាលពីពេលថ្មីៗកន្លងមកនេះអ្នកឧកញ្ញ៉ាបានកែប្រែឡានក្រុងចាស់ៗឲ្យក្លាយទៅជាបន្ទប់គេងបែបទំនើបដោយឲ្យឈ្មោះថា Hotel Bus។ ការច្នៃប្រឌិតរូបរាងថ្មីនេះគឺសម្រាប់អតិថិជនដែលតែងតែគាំទ្រមកស្នាក់នៅរីស៊តរបស់អ្នកឧកញ៉ាផ្ទាល់ ដែលជា បន្ទប់គេងទំនើប បែបឡានក្រុងដំបូងគេបង្អស់នៅតំបន់អាស៊ី ដែលមានទីតាំងនៅក្នុងតំបន់អាស៊ីក្នុងឧទ្យានបោះតង់គីរីរម្យ នាខេត្តកំពង់ស្ពឺ៕
