គួរដឹង! ទីក្រុងទាំង១០នេះ នៅជុំវិញពិភពលោក ជាប់ឈ្មោះជាទីក្រុង ដែលមានប្រព័ន្ធអប់រំល្អបំផុត
Ping Chou EngJULY 10 2024491 views

ប្រព័ន្ធអប់រំគឺជាសរសរស្តម្ភមួយក្នុងចំណោមសរសរស្តម្ភជាច្រើននៅក្នុងការអភិវឌ្ឍន៍ និងទ្រទ្រង់ជាតិសាសន៍មួយឱ្យមានភាពរីកចម្រើន​ទាំងផ្នែកសង្គមធម៌និងវប្បធម៌។ យ៉ាងណាមិញខាងក្រោមនេះគឺជាទីក្រុងទាំង១០ នៅជុំវិញពិភពលោក ដែលមានជាប់ឈ្មោះថាជាទីក្រុងមានប្រព័ន្ធអប់រំខ្លាំងនិងស្តង់ដារខ្ពស់បំផុត នេះបើយោងតាមការធ្វើស្ថិតិរបស់ស្ថាប័ន Best Diplomats

.ទីក្រុង​ឡុ​ង​ដ៍ ​ចក្រភពអង់គ្លេស៖  ទីក្រុងឡុងដ៍គឺជាទីក្រុងនិស្សិតដ៏ពេញនិយមបំផុតនៅក្នុងពិភពលោកជាមួយនឹងការប្រមូលផ្តុំដ៏អស្ចារ្យបំផុតនៃសាកលវិទ្យាល័យល្បីៗនៅអឺរ៉ុបទាំងអស់ រួមទាំងសាលាសេដ្ឋកិច្ច និងវិទ្យាសាស្ត្រនយោបាយទីក្រុងឡុងដ៍ និងមហាវិទ្យាល័យ King's College London ។

. ទីក្រុងអូស្លូ ប្រទេសន័រវេស៖ នៅទីក្រុងអូស្លូក្នុងសង្គមន័រវេសគេបានចាត់ទុកការអប់រំជាផ្នែកមួយដ៏សំខាន់នៃការអភិវឌ្ឍន៍របស់ប្រទេស ដែលមានគុណសម្បត្តិនៃប្រព័ន្ធអប់រំរឹងមាំ និងកម្រិតជំនាញភាសាអង់គ្លេសខ្ពស់។ មហាវិទ្យាល័យ និងសាកលវិទ្យាល័យភាគច្រើនត្រូវបានផ្តល់មូលនិធិដោយរដ្ឋាភិបាល ដូច្នេះគ្រឹះស្ថានសិក្សានឹងមិនគិតថ្លៃសិក្សាទេ។ 

. ទីក្រុង Tel Aviv ប្រទេសអ៊ីស្រាអែល៖ ទីផ្សារការងារក្នុងប្រទេសអ៊ីស្រាអែលតម្រូវឱ្យបុគ្គលដែលមានការអប់រំខ្ពស់ ជាពិសេសផ្នែកវិទ្យាសាស្ត្រ និងវិស្វកម្ម មានគុណសម្បត្តិប្រកួតប្រជែង។ អាស្រ័យហេតុនេះការអប់រំនៅទីក្រុងនេះមានកម្រិតខ្ពស់សម្រាប់ឧស្សាហកម្ម ពាណិជ្ជកម្ម ការផលិត វេជ្ជសាស្ត្រ និងការអប់រំ។

. ទីក្រុង Zurich ប្រទេសស្វីស៖ ជាទីក្រុងដែលត្រូវបានចាត់ទុកថាជាមជ្ឈមណ្ឌលនៃចំណេះដឹង និងការស្រាវជ្រាវជាមួយនឹងមហាវិទ្យាល័យបច្ចេកទេសដែលទទួលស្គាល់ជាអន្តរជាតិ ធ្វើឱ្យប្រទេសស្វីសគឺជាប្រទេសមួយក្នុងចំណោមប្រទេសដែលមានភាគរយធំបំផុតនៃផលិតផលក្នុងស្រុកសរុបដែលបានមកពីការស្រាវជ្រាវ និងចំនួនខ្ពស់បំផុតនៃភាពច្នៃប្រឌិត។ 

. ទីក្រុង Helsinki ប្រទេសហ្វាំងឡង់៖  Helsinki គឺជាមជ្ឈមណ្ឌលអប់រំរបស់ប្រទេស ហើយត្រូវបានទទួលស្គាល់ថាជាទីក្រុងច្នៃប្រឌិតបំផុតទីប្រាំមួយនៅក្នុងពិភពលោក ទីក្រុងនេះគឺជាតំបន់កំពូលនៅក្នុងសហភាពអឺរ៉ុប។ ប្រទេសហ្វាំងឡង់បានជាប់ចំណាត់ថ្នាក់លេខ 1 លើការអាន គណិតវិទ្យា និងវិទ្យាសាស្ត្រធម្មជាតិជាអន្តរជាតិដោយការវាយតម្លៃសមត្ថភាពសកលរបស់ PISA ។

. ទីក្រុង Edinburgh ចក្រភពអង់គ្លេស៖ Edinburgh គឺជាទីក្រុងធំជាងគេទីប្រាំពីរនៅក្នុងចក្រភពអង់គ្លេស និងមានការអប់រំដោយឥតគិតថ្លៃនៅក្នុងទីក្រុង។ សាកលវិទ្យាល័យនៅ Edinburgh ផ្តល់ជូននូវកម្មវិធីសញ្ញាបត្រដែលគ្របដណ្តប់ទាំងលើការសិក្សា ក៏ដូចជាផ្នែកវិជ្ជាជីវៈ។

. ទីក្រុង Stockholm ប្រទេសស៊ុយអែត៖ ៥១ ភាគរយនៃប្រជាជនទទួលបានបរិញ្ញាបត្រ ទីក្រុង Stockholm នៃប្រទេសស៊ុយអែតគឺជាមជ្ឈមណ្ឌលដ៏សំខាន់មួយសម្រាប់ការអប់រំឧត្តមសិក្សា និងជាទីក្រុងដែលមានការអប់រំកំពូលមួយនៅក្នុងពិភពលោក។ ក្រុមហ៊ុន Unicorns បច្ចេកវិទ្យាដ៏ល្បីល្បាញរួមមាន Spotify, King និង Skype និងអ្នកបង្កើត Candy Crush បានបង្កើតឡើងនៅក្នុងទីក្រុងនេះ។

. ទីក្រុង San Jose សហរដ្ឋអាមេរិក៖ San Jose គឺជាទីក្រុងមួយដែលមាន សាកលវិទ្យាល័យល្អបំផុតរួមទាំងសាកលវិទ្យាល័យ San Jose, សាកលវិទ្យាល័យ William Jessup, សាកលវិទ្យាល័យ Silicon Valley និងជាច្រើនទៀត ហើយអស់រយៈពេលជាច្រើនឆ្នាំ បេះដូងនៃវិស័យបច្ចេកវិទ្យារបស់អាមេរិកត្រូវបានផ្តោតជុំវិញ Silicon Valley នេះ។

. ទីក្រុង វ៉ាស៊ីនតោនឌីស៊ី សហរដ្ឋអាមេរិក៖ សាកលវិទ្យាល័យ Washington DC ជាប់ចំណាត់ថ្នាក់ក្នុងចំណោមសាកលវិទ្យាល័យល្អបំផុតនៅលើពិភពលោក។ ភាគរយនៃប្រជាជនដែលទទួលបានការអប់រំខ្ពស់កំពុងកើនឡើងនៅក្នុងទីក្រុងនេះដែលមានអត្រាខ្ពស់បំផុតនៃអ្នកទទួលសញ្ញាបត្របរិញ្ញាបត្រ ឬខ្ពស់ជាងនេះគឺ ៦៣% តាមពីក្រោយដោយរដ្ឋម៉ាសាឈូសេត។

១០ ទីក្រុង មែលប៊ន ប្រទេសអូស្ត្រាលី៖ ទីក្រុង Melbourne ដែលជាទីក្រុងធំជាងគេទី២ក្នុងប្រទេសអូស្ត្រាលី ផ្តល់នូវប្រព័ន្ធអប់រំដ៏រឹងមាំ ជាមួយនឹងមហាវិទ្យាល័យល្បីៗឈ្មោះនិងអត្រាអក្ខរកម្មខ្ពស់។ សាកលវិទ្យាល័យទាំងនេះជាប់ចំណាត់ថ្នាក់ក្នុងចំណោមសាកលវិទ្យាល័យល្អបំផុតរបស់ពិភពលោក ដែលមាននូវមុខវិជ្ជាជាច្រើនជាមួយនឹងធនធានទំនើប និងកន្លែងស្រាវជ្រាវ។

គួរជម្រាបផងដែរថាទីក្រុងដែលមានការអប់រំច្រើនជាងគេលើពិភពលោកនេះត្រូវបានកំណត់និងវាយតម្លៃដោយប្រព័ន្ធអប់រំស្តង់ដារខ្ពស់ ​ប្រជាជនមានចំណេះដឹងច្រើន ឧត្តមភាពសិក្សា ភាពចម្រុះនៃវប្បធម៌ ការច្នៃប្រឌិត កម្លាំងពលកម្មការងារមានការប្រកួតប្រជែង និងមានសាកលវិទ្យាល័យដែលស្រាវជ្រាវល្អបំផុត៕

អត្ថបទដោយ៖ ពីង ជូអេង

អត្ថបទពេញនិយមប្រចាំខែ
អត្ថបទថ្មីៗ
Footer Background
Business Cambodia
បំផុសគំនិតរកស៊ី នាំមនុស្សឱ្យហ៊ានចេញរកស៊ីតាមក្ដីស្រមៃ
© 2024 Baksey Media. All Rights Reserved.
Developed by: Technology Cambodia