លោកប្រធានាធិបតី​សំបូររឿងរ៉ាវមិនចេះចប់គឺលោកដូណលត្រាំ​​ក្រៅពីសំបូររឿង​គាត់ក៏ជាមនុស្សដែលសំបូរក្បួនលក់​ផងដែរ​ ដែលសហគ្រិនកម្ពុជាគួររៀនសូត្រតាម​ដើម្បីរកសុីជោគជ័យ។ មុនក្លាយជាប្រធានាធិបតី​លោក​ក៏ជាសហគ្រិនរកសុីជោគជ័យមួយរូបផងដែរ​លើវិស័យអចលនទ្រព្យ​និង​មុខរបរផ្សេងៗទៀត។​ គាត់ត្រូវបានគេទទួលស្តាល់ថា​ជាសហគ្រិនដែលពូកែលក់​ជាពិសេស​ឈ្មោះ​ ត្រាំ (Trump) ត្រូវគេទទួលស្គាល់ថា​ជាយីហោដែលមានតម្លៃបំផុតមួយ ​ហើយមានអ្នកអភិវឌ្ឃអចលទ្រព្យជាច្រើន​ចង់បានឈ្មោះត្រាំនេះ​យកទៅដាក់សម្រាប់អចលនទ្រព្យរបស់ខ្លួន។​ តើអ្វីជាមេរៀនលក់ដែលអ្នកគួររៀនពីលោកដូណលត្រាំ? កសាងយីហោផ្ទាល់ខ្លួនឲ្យខ្លាំង លោក​ត្រាំបានពោលថា​មនុស្សទូទៅដឹងថាឈ្មោះ​ត្រាំគឺតំណាង​ស្តង់ដារកម្រិតខ្ពស់​ដូចនេះរាល់ផលិតផល​ទាំងអស់ដែលមានឈ្មោះនេះ​សុទ្ធតែមានគុណភាពល្អដាច់គេ។​ នៅពេលមនុស្សទទួលស្គាល់ហើយ​នោះ​គេនឹងទិញដោយគ្មានសង្ស័យទ្បើយ។ ត្រង់នេះលោក​ត្រាំបានពន្យល់ថា​ការកសាងយីហោផ្ទាល់ខ្លួនសំខាន់ខ្លាំងណាស់​ព្រោះវាជាអ្វីដែល​គូប្រកួត​របស់អ្នកមិនអាចមានដូចអ្នកបាន។ ​ភ្ញៀវគេអាចរករបស់ដែលស្រដៀងនឹងផលិតផល​របស់អ្នក​បាន​តែគេមិនអាចរកផលិតផលដែលដាក់ឈ្មោះផ្ទាល់ខ្លួនរបស់អ្នកបានទ្បើយ។ ​ចំណុចនេះហើយ​ដែលបាន​ធ្វើឲ្យលោក​ខិតខំកសាងយីហោផ្ទាល់ខ្លួន​គ្មានឈប់ឈរទ្បើយ​ហើយ​គាត់បានធ្វើចំណុចមួយនេះបានយ៉ាងល្អ។ ការងារលក់​ជាការងារ​២៤ម៉ោងក្នុង១ថ្ងៃ ជាអ្នករកសុីម្នាក់ ​ជាអ្នកលក់ម្នាក់ ​លោកប្រធានាធិបតី​ត្រាំធ្លាប់ធ្វើការគ្មានរើសអើងពេលធ្វើការនោះទេ​។​និយាយមួយបែបទៀតគាត់ព្យាយាមលក់​ព្យាយាមកសាងយីហោរបស់គាត់​ស្ទើរតែគ្រប់ពេល​ពោលគឺ​២៤ម៉ោង​ក្នុងមួយថ្ងៃ។ លើកជាឧទាហរណ៍ទោះគាត់ត្រូវ​ចេញពីធ្វើការ​ផុតម៉ោងធ្វើការ​គាត់ក៏នៅឆ្លៀតពេលបាន​ជួបជាមួយអ្នក​សាពត៌មានសម្ភាសគាត់លើប្រធានបទផ្សេងៗដែរ។​នេះបានធ្វើឲ្យគាត់ជោគជ័យខ្លាំង​ក្នុងការកសាងយីហោ​ផ្ទាល់ខ្លួនគាត់​ ក្នុងការបង្កើតរឿងរ៉ាវជាច្រើន​ដើម្បីឲ្យគេចងចាំពីយីហោរបស់គាត់។ និយាយមួយបែបទៀត​គាត់ធ្វើការខ្លាំងគ្មានឈប់​ហើយគាត់​ជាមនុស្សពោពេញដោយថាមពល។​ក្រោយឈ្នះឆ្នោត​ភ្លាម​លោកបានថ្លែងសារថាពី​មូលហេតុមួយដែលគូប្រកួតគឺលោកស្រី​គ្លីនតុន​មិនអាចឈ្នះគាត់​គឺដោយសារនៅទឹកចុងក្រោយ​នៅពេលដែលលោកស្រីគ្លីនតុនឈប់​សម្រាក​លោក​មិនបានឈប់ទេ​ហើយលោកដើរបញ្ចុះបញ្ចូលអ្នកបោះឆ្នោតខ្លាំងជាងលោកស្រីគ្លីនតុន។ ជាអ្នករកសុីកំុខ្លាចបរាជ័យ សហគ្រិនប្រធានាធិបតីម្នាក់នេះ​គឺជាមនុស្សដែលមិនសូវចេះខ្លាចបរាជ័យទេ។​ខណះដែលមនុស្សជាច្រើន​ថា​គាត់មិនអាចទៅរួចទៅទេ​ គាត់អត់ខ្វល់ហើយនៅតែធ្វើការងារនោះ​តួរយ៉ាងដូចការប្រកួតក្នុងការបោះឆ្នោត​ប្រធានាធិបតីជាដើម។ ថ្មីនេះ​គាត់ក៏ហាក់កំពុងតែជោគជ័យផងដែរក្នុងការចចារជាមួយចិនលើបញ្ហាទំនិញនាំចូលរបស់ចិន​ដែល​ច្រើនជាងទំនិញដែលចិននាំពីអាមេរិចទៅវិញ។​ ដោយធ្វើជាមិនខ្លាច​ជម្លោះពាណិជ្ជកម្ម​ជាមួយយក្សចិន​ទេ​លោកបានប្រកាសតំទ្បើងពន្ធនាំចូលលើទំនិញរបស់ចិន។​ តិចនិចរបស់គាត់មួយនេះ បានទទួលផ្លែផ្ការនៅ​ពេលចិន​សុខចិត្ត​បេ្តជ្ញានាំចូលទំនិញពីអាមេរិចឲ្យបានច្រើនជាងមុន។ ដូចនេះមេរៀនលក់ចុងក្រោយរបស់លោកត្រាំ​គឺ​បើអ្នកចង់ឈ្នះក្នុងការចចារជាមួយភ្ញៀវ​អ្នកមិនខ្លាចភ្ញៀវទេ​ឬខ្លាចបាត់ភ្ញៀវនោះទេ។ ​អ្នកត្រូវហ៊ានសាកវិធីថ្មីៗ​ដែលអ្នកឯទៀតគិតថា​ធ្វើទៅមិនរួចទេ។​សូមរង់ចាំតាមដានអាន​បន្ថែមពីទេពកោសល្យរបស់លោកត្រាំ​ក្នុងការកសាងយីហោផ្ទាល់ខ្លួន​ដែលសុីអារម្មណ៍​មនុស្ស​នៅក្នងសៀវភៅលក់អារម្មណ៍​ដែលនឹងចេញលក់នៅថ្ងៃ 11/11/2018​៕ “លក់អារម្មណ៍” តម្លៃលក់ធម្មតា​ 15$ កក់មុនតម្លៃ 7$ ដើម្បីកក់មុន​សូមចុះឈ្មោះនិងបង់លុយមុនតាមមធ្យោបាយដូចខាងក្រោម 1. Wing Acc:...