https://business-cambodia.com/static/3fa983bb-1c52-4616-92c9-ac11b8fb4b0ahttps://business-cambodia.com/static/6fee374d-4e52-43a9-aa7a-11a5d3e92b85https://business-cambodia.com/static/91a38920-de5f-4e1d-ae8a-2664df6e29a6https://business-cambodia.com/static/c5d09957-8d57-4388-a42a-df76facbca7f
https://business-cambodia.com/static/07285dec-566c-44df-8c5a-4ae66a742e37https://business-cambodia.com/static/c8b2f50e-c564-420a-b6d3-2b46d693a58d
អត្ថបទ >
មុខរបរបច្ចេកវិទ្យា
រថយន្ដ Ford ២ ម៉ូឌែលនេះនឹងត្រូវដំឡើងនៅខ្មែរមុនគេ ខណៈដែលរោងចក្រដំឡើងនឹងបើកសម្ពោធក្នុងខែនេះ

Bunthoeun Koem

June 14 2022

4K

ដូចដែលលោកអ្នកបានជ្រាបរួចមកហើយថា កាលពីពេលកន្លងទៅក្រុមហ៊ុន RMA Cambodia បានបោះទុននិយោគចំនួន ២១ លានដុល្លារអាមេរិក ដើម្បីបង្កើតរោងចក្រដំឡើងរថយន្ដយីហោដ៏ល្បីល្បាញរបស់សហរដ្ឋអាមេរិក Ford ដាក់លក់នៅស្រុកខ្មែរ។ ដោយទីតាំងវិនិយោគត្រូវបានធ្វើឡើងនៅ ភូមិសាវ័ន ឃុំស្នាអន្សា ស្រុកក្រគរ ខេត្ដពោធិ៍សាត់ ហើយតាមពីរដ្ឋបាលខេត្ដរោងចក្រនេះអាចនឹងដំណើរការនៅក្នុងខែមិថុនានេះតែម្ដង។

តាមការបញ្ជាក់ពី សហព័ន្ធឧស្សាហកម្មយានយន្តកម្ពុជា នៅពេលបើកដំណើរការ រោងចក្រដំឡើងរថយន្ត Ford ថ្មីនេះ នឹងផ្តោតសំខាន់លើការដំឡើងរថយន្ត ២ ម៉ូឌែលនៅជំហានដំបូងនោះគឺ រថយន្ត Ford Ranger និង Ford Everest ហើយរោងចក្រអាចមានសមត្ថភាពតំឡើងរថយន្តពីចន្លោះ ៤៥០០ ទៅ ៦០០០ គ្រឿងក្នុងមួយឆ្នាំ និងតាមការប៉ាន់ស្មានអាចបង្កើតការងារដល់ប្រជាពលរដ្ឋក្នុងស្រុកប្រមាណ ៥០០ កន្លែង ផងដែរ។

សូមជម្រាបផងដែរថា ក្រៅរោងចក្រដំឡើងរថយន្ដ Ford កម្ពុជាក៏មានរោងចក្រដំឡើងរថយន្ដល្បីៗផ្សេងទៀតផងដែរ ដូចជា ក្រុមហ៊ុន Hyundai មានទីតាំងនៅតំបន់សេដ្ឋកិច្ចពិសេសខេត្ដកោះកុង ក្រុមហ៊ុន DAEHAN មានទីតាំងនៅក្រុងបាវិត ខេត្ដស្វាយរៀង។ ហើយថ្មីៗកន្លងទៅនេះ ក្រុមហ៊ុន K (CAMBODIA) CO., LTD ក៏បានវិនិយោគបង្កើតរោងចក្រដំឡើងរថយន្ត ISUZU មានទីតាំងវិនិយោគស្ថិតនៅភូមិសង្គ្រោះជាតិ ឃុំត្រពាំងគង ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៧,៣លានដុល្លារអាមេរិក និងអាចបង្កើតការងារបានចំនួន ១៦៦កន្លែង៕

អត្ថបទ៖ កឹម ប៊ុនធឿន

1652401707194

250906666 3016525685324625 6369139838236394979 N

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth