អត្ថបទ >
កំពូលអ្នកលក់
លោកស្រីម៉ក់ សុថាវី ស្រ្តីខ្មែរដំបូងគេ បង្កើតម៉ាតចល័តលក់បន្លែឈុតធម្មជាតិ គ្មានទំនិញនាំចូល

នៅ ហៀង

August 3 2022

2.4K

ជាធម្មតាម៉ាតធ្លាប់តែមានទីតាំងច្បាស់លាស់ ប៉ុន្តែបើក្រឡេកមកមើលយីហោម៉ាត ដែលបង្កើតឡើងដោយគំនិតកូនខ្មែរមួយរូបគឺ លោកស្រី ម៉ក់ សុថាវី បានបង្កើតម៉ាតចល័តលក់បន្លែឈុតធម្មជាតិ ដែលគ្រប់មុខទំនិញទាំងអស់គ្មានការនាំចូលតែបញ្ជាទិញពីសហគមន៍ក្នុងស្រុកផ្ទាល់ ដោយមានការឆ្លងកាត់ ប្រព័ន្ធលាងសម្អាតបានយ៉ាង​ល្អ និងមានច្បាប់អនុញ្ញាតត្រឹមត្រូវពីក្រសួងពាក់ព័ន្ធថែមទៀត។

2rfeds

តាមរយៈបទសម្ភាសន៍ជាមួយក្រុមការងារ Business Cambodia  លោកស្រី ម៉ក់ សុថាវី បានប្រាប់ឱ្យដឹងថា បច្ចុប្បន្ន លោកស្រីគឺជាស្ថាបនិកយីហោម៉ាតមួយដែលមានឈ្មោះថា MX Foodmart ជាម៉ាតដែលផ្តោតទៅលើ ការលក់បន្លែធម្មជាតិក្នុងស្រុក ដោយរៀបជាកញ្ចប់ដើម្បីសម្រួលទៅដល់អ្នកទទួលទាន កាន់តែមានភាពងាយស្រួល សំខាន់ម៉ាតមួយនេះនឹងទៅដល់មុខផ្ទះបងប្អូនទាំងអស់គ្នា មិនហត់ធ្វើដំណើរទិញច្រើនដងឡើយ ។

​តើ MX Foodmart លក្ខណៈពិសេសៗអ្វីខ្លះទើបហ៊ានចូលខ្លួនប្រយុទ្ធនៅក្នុងទីផ្សារ ខណៈដែរម៉ាតនៅក្នុងប្រទេសកម្ពុជាបច្ចុប្បន្នកំពុងរីកដូចផ្សិត៖​

១. អាហារឈុត៖ សហគ្រិនវ័យប្រមាណជាង៣០ឆ្នាំរូបនេះបានឱ្យដឹងថា អាហារឈុតគឺជាការខ្ចប់ស្រាប់នៅម្ហូបមួយមុខៗ បើសិនបងប្អូនចង់ទិញពិសារសម្លម្ជូរ គ្រាន់តែទិញមួយកញ្ចប់ នោះនឹងទទួលបានគ្រឿងផ្សំគ្រប់តែម្តង មានដូចជា បន្លែ ត្រី សាច់ និងគ្រឿងសព្វគ្រប់តែម្តង ដោយបងប្អូនគ្រាន់តែដាំទឹកហើយបង់ញ៉ាំតែប៉ុណ្ណោះ ដែលវាមានភាពងាយស្រួលមែនទែនចំពោះមេផ្ទះគ្រប់រូប ចំណេញទាំងពេលវេលានិងកម្លាំង។

4g3r4r4

ត្រង់ចំណុននេះលោកស្រីបានលើកឧទាហរណ៍ថា ប្រសិនបើមិនមានឈុតម្ហូបស្រាប់នេះទេ បើបងប្អូនចង់ពិសារសម្លកកូ ដូច្នេះបងប្អូនត្រូវទៅរកទិញ បន្លែ សាច់ ហើយគ្រឿងជាច្រើន នៅពេលដែលទិញបាន គ្រឿងផ្សំទាំងអស់នោះហើយគាត់ត្រូវ​ចំណាយពេលដើម្បីចិតបន្លែ ធ្វើត្រី ហាន់សាច់ បុកគ្រឿង វាចំណាយពេលយូរ និងចាយកម្លាំងថែមទៀត។ តែប្រសិន បើបងប្អូនទិញជាឈុតវិញ គឺយើងនឹងដឹងពីការចំណាយនៅពេលដែលទិញម្តងៗ ព្រោះមានតម្លៃបិទនៅលើនោះស្រាប់ ។

Vef1w

២. កង់បីអាចចល័តបាន៖ អ្វីកាន់តែពិសេសទៀតហើយ លោកស្រីបានកែច្នៃកង់បី ដោយភ្ជាប់ជាមួយម៉ាស៊ីនត្រជាក់ កន្លែងដាក់ទំនិញធំទូលាយ ដែលអាចរក្សាគុណភាពបន្លែ ត្រីសាច់បានល្អ អាចលក់បានគ្រប់ទីកន្លែង មានន័យថាបងប្អូនអាចរកទិញបាននៅតាមទីតាំងដែលជិតខ្លួនថែមទៀត ។ នេះជាគំនិតថ្មីមួយនៅក្នុងការរកស៊ីម៉ាត ពោលគឺមានតែផលិតផលនិងសេវាកម្មល្អមិនទាន់គ្រប់គ្រាន់នោះទេ តែគំនិតកែច្នៃគឺខ្វះមិនបានឡើយក្នុងការរកស៊ី ព្រោះប្រសិន បើយើងគ្មានអ្វីដែលថ្មីសម្រាប់ទាក់ ចិត្តភ្ញៀវនោះទេភ្ញៀវអាចនឹងរត់ចោលយើងជាពុំខាន ​។

4f3r

គួរជម្រាបផងដែរថា  MX Foodmart គឺជាយីហោម៉ាតនៅក្នុងស្រុកមួយ ដែលកំពុងតែជួយកសិករ រាប់សិបអ្នកដែលកំពុងតែដាំដុះនៅបន្លែផ្លែឈើ ត្រី សាច់ ខាងម៉ាតជួយបញ្ជាទិញពីសហគមន៍នៅក្នុងស្រុក គ្មាននាំចូលពីក្រៅប្រទេសឡើយ ។ បច្ចុប្បន្នយីហោម៉ាតមួយនេះមិនត្រឹមជួយដល់កសិករ ផលិតផលក្នុងស្រុកប៉ុណ្ណោះទេ ថែមទាំងជួយដល់បងប្អូនដែលចង់ប្រកបរបររកប្រាក់ចំណូលដោយមិនចាំបាច់ប្រើទុន ដោយក្រុមហ៊ុនមានរើសតំណាងចែកចាយន្តដើម្បីពង្រីក ទីផ្សារមួយនេះអោយកាន់តែធំពេញទូទាំងប្រទេស  ។ សម្រាប់ព័ត៌បន្ថែមអាចទំនាក់ទំនងទៅកាន់ផេក MX Foodmart ឬតាមរយៈទូរស័ព្ទលេខ ០១២ ៨០៦ ៥៨០ /០១៦ ៨០៦ ៥៨០ ។ 

សូមបញ្ជាក់ លោកស្រី ម៉ក់ សុថាវី នឹងចូលរួមក្នុងកម្មវិធីពិព័រណ៌មុខរបរដែលរៀបចំដោយក្រុមការងារ Business Cambodia នៅថ្ងៃទី២៩ តុលា ឆ្នាំ២០២២ខាងមុខនេះ ។ ដូច្នេះសម្រាប់លោកអ្នកដែលមានបំណងចង់ចូលរួម សូមទំនាក់ទំនងចុះឈ្មោះតាមរយៈលេខ៖ 081 688 228 (ចំនួនមានកំណត់) ៕

 

អត្ថបទដោយ : សណា 

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth