https://business-cambodia.com/static/3fa983bb-1c52-4616-92c9-ac11b8fb4b0ahttps://business-cambodia.com/static/6fee374d-4e52-43a9-aa7a-11a5d3e92b85https://business-cambodia.com/static/91a38920-de5f-4e1d-ae8a-2664df6e29a6https://business-cambodia.com/static/c5d09957-8d57-4388-a42a-df76facbca7f
https://business-cambodia.com/static/07285dec-566c-44df-8c5a-4ae66a742e37https://business-cambodia.com/static/c8b2f50e-c564-420a-b6d3-2b46d693a58d
អត្ថបទ >
អចលនទ្រព្យ
យីហោ Starbucks ត្រៀមបិទហាង១៣០កន្លែងនៅរុស្ស៊ី ក្រោយរកស៊ីបានចំណូលមិនដល់ ១%

Bunthoeun Koem

May 24 2022

1.5K

បើគិតចាប់ពីថ្ងៃចាប់ផ្តើមសង្គ្រាមរវាងរុស្ស៊ី និងអ៊ុយក្រែន រហូតមកដល់ពេលនេះមានអាជីវកម្មធំៗជាច្រើនបានសម្រេចចិត្តចេញពីប្រទេសរុស្ស៊ី។ ហើយពេលនេះការហ្វេដ៏ល្បីឈ្មោះ Starbucks  ក៏បានសម្រេចចិត្តត្រៀមដកខ្លួនពីរុស្ស៊ីផងដែរ បន្ទាប់ពី McDonald's ។ នេះបើយោងតាមការចុះផ្សាយពីសារព័ត៌មាន CNBC នាថ្ងៃទី២៣ ខែឧសភា ឆ្នាំ២០២២។

ប្រភពដដែលបន្ដថា បន្ទាប់ពីចំណាយពេលរកស៊ីអស់ ១៥ ឆ្នាំនៅក្នុងទឹកដីរុស្ស៊ី ពេលនេះកាហ្វេល្បីឈ្មោះ Starbucks ដែលមានទីតាំង ១៣០ កន្លែងត្រៀមនឹងបិទទ្វារ ក៏ព្រោះបានរកឃើញថាខ្លួនបានខាតបង់យ៉ាងច្រើននៅក្នុងអំឡុងពេលមានសង្គ្រាមនេះ ដោយក្រុមហ៊ុនអាចរកចំណូលតិចជាង ១ ភាគរយប៉ុណ្ណោះក្នុងរយៈពេលមួយឆ្នាំ។

យ៉ាងណាមុនពេលសម្រេចចិត្តចាកចេញក្រុមហ៊ុន Starbucks បាននិយាយថា ខ្លួននឹងផ្តល់ប្រាក់ឈ្នួលដល់បុគ្គលិក រុស្ស៊ីជិត ២ ០០០ នាក់សម្រាប់រយៈពេលប្រាំមួយខែ និងជួយពួកគេផ្លាស់ប្តូរទៅរកឱកាសថ្មីក្នុងវិស័យការហ្វេនេះផងដែរ។

ការហ្វេ Starbucks បានផ្អាកអាជីវកម្មរបស់ខ្លួនអស់ជាច្រើនខែមកហើយ ពោលគឺចាប់តាំងពីថ្ងៃទី ៨ មីនា រហូតមកដល់ពេលនេះ។ សម្រាប់ការផ្អាកនេះគឺរួមមានការដឹកជញ្ជូនផលិតផលរបស់ Starbucks ទាំងអស់ និងការបិទហាងកាហ្វេជាបណ្តោះអាសន្នផងដែរ។

សូមបញ្ចាក់ផងដែរថា នៅក្នុងលទ្ធផលប្រចាំត្រីមាសចុងក្រោយរបស់ខ្លួនដែលបានចេញផ្សាយនៅដើមខែឧសភា ក្រុមហ៊ុនមិនបានបង្ហាញពីផលប៉ះពាល់ហិរញ្ញវត្ថុនៃការផ្អាកប្រតិបត្តិការអាជីវកម្មនោះទេ។ ប៉ុន្តែគេសន្និដ្ឋានថាមានការ​ប៉ះ​ទង្គិច​ផ្នែក​ហិរញ្ញវត្ថុនេះ​តិចជាង McDonald's ៕

អត្ថបទ៖ ឌឿក ស្រីនុត រតនៈ

628b8ccdb9dbb40018cb3a89

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth