https://business-cambodia.com/static/3fa983bb-1c52-4616-92c9-ac11b8fb4b0ahttps://business-cambodia.com/static/6fee374d-4e52-43a9-aa7a-11a5d3e92b85https://business-cambodia.com/static/91a38920-de5f-4e1d-ae8a-2664df6e29a6https://business-cambodia.com/static/c5d09957-8d57-4388-a42a-df76facbca7f
https://business-cambodia.com/static/07285dec-566c-44df-8c5a-4ae66a742e37https://business-cambodia.com/static/c8b2f50e-c564-420a-b6d3-2b46d693a58d
អត្ថបទ >
អចលនទ្រព្យ
ស្ងាត់ៗព្រលានយន្ដហោះថ្មីនៅខ្មែរទំហំ១០០០ហិចតា សម្រេចការតភ្ជាប់ផ្លូវរត់ទាំងស្រុង ខណៈគម្រោងនឹងបញ្ចប់ឆ្នាំក្រោយ

Bunthoeun Koem

May 24 2022

1.9K

 ពេលនេះអាកាសយានដ្ឋានអន្តរជាតិសៀមរាប-អង្គរ សម្រេចបានសម្ថផលមួយទៀតហើយដោយឥឡូវនេះផ្លូវយន្តហោះរត់នៅក្នុងអាកាសយានដ្ឋានត្រូវបានតភ្ជាប់រួចរាល់ទាំងស្រុង។ នេះបើរយោងតាមការបញ្ជាក់ពីស្ថានទូចិនប្រចាំនៅកម្ពុជាដកស្រង់ចេញពីសារព័ត៌មាន China News Service កាលពីថ្ងៃតី២៣ ខែឧសភា ឆ្នាំ២០២២។

អាកាសយានដ្ឋានអន្តរជាតិសៀមរាប-អង្គរនេះត្រូវបានវិនិយោគសាងសង់ដោយភាគីចិន ដោយមានប្រវែង៣៦០០ម៉ែត្រ នឹង ទទឹង៤៥ម៉ែត្រ។ ក្នុងអំឡុងពេលនៃការសាងសង់ វិស្វករបានជម្នះឧបសគ្គយ៉ាងច្រើនដូចជា ជំងឺកូវីដ សីតុណ្ហភាពខ្ពស់ ភ្លៀងធ្លាក់ កង្វះខាតរូបធាតុ និងរយៈពេលយូរក្នុងការដឹកជញ្ជូនតាមផ្លូវសមុទ្រជាដើម។ តែយ៉ាងណាក្តីការនាំយកឧបករណ៍បរិក្ខាជំនាញ បានជួយលើកកម្ពស់គុណភាពនិងប្រសិទ្ធភាពការដ្ឋានគួរឱ្យកត់សម្គាល់ និងព្រមទាំងសម្រេចបានការងារមុនពេលកំណត់។

សូមបញ្ចាក់ផងដែរថា គម្រោងខាងលើនេះមានចម្ងាយប្រហែល៤០គីឡូម៉ែត្រពីប្រាសាទអង្គរវត្ត និងមានចម្ងាយ៥១គីឡូម៉ែត្រពីក្រុងសៀមរាប។  ហើយអាកាសយានដ្ឋានខាងលើនេះគ្របដណ្តប់លើផ្ទៃដីចំនួន៧០០ហិចតា ជាមួយនឹងដីអភិវឌ្ឍអាជីវកម្មដែលនៅជុំវិញមានផ្ទៃដីចំនួន១០០០ហិចតា និងផ្លូវថ្នល់ប្រើប្រាស់ជាពិសេសនៅក្នុងអាកាសយានដ្ឋានដែលមានប្រវែង២៤.៥គីឡូម៉ែត្រផ្សេងទៀតត្រូវបានចាត់ទុកជាផ្នែកមួយនៃគម្រោងអាកាសយានដ្ឋានដែលអាចដំណើរការដោយឯករាជ្យ​​ គ្រោង​នឹង​ដាក់​ឱ្យ​ដំណើរការ​នៅ​ខែ​តុលាឆ្នាំ​២០២៣ខាងមុខនេះ។

សម្រាប់គម្រោងខាងលើនេះត្រូវបានវិនិយោគនិងសាងសង់ដោយក្រុមហ៊ុន Angkor International Airport Investment (Cambodia) Co., Ltd. ដែលបានចុះបញ្ជីរួមគ្នាក្នុងប្រទេសកម្ពុជាដោយក្រុមហ៊ុនចិនចំនួន៣គឺក្រុមហ៊ុនYunnan Investment Group, ក្រុមហ៊ុនYunnan Construction and Investment Group និងក្រុមហ៊ុនYunnan Airport Group។ នេះបានជួយកែលម្អកម្រិតហេដ្ឋារចនាសម្ព័ន្ធក្នុងតំបន់ បង្កើតឱកាសការងារកាន់តែច្រើន និងជំរុញការអភិវឌ្ឍន៍វិស័យទេសចរណ៍ និងជួយការការពារប្រាសាទអង្គរវត្តឱ្យកាន់តែល្អប្រសើរ៕

អត្ថបទដោយ៖ ឌឿក ស្រីនុត រតនៈ

155170798 1439950633024287 4604

 

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth