អត្ថបទ >
អចលនទ្រព្យ
សម្ដេចតេជោ ហ៊ុន សែន ប្រកាសឲ្យពលរដ្ឋ និងស្ថាប័នរដ្ឋសន្សំសំចៃអគ្គិសនីដោយសារហេតុផលទាំងនេះ

Bunthoeun Koem

July 7 2022

264

ដោយសារតែវិបត្តិសង្គ្រាមរវាងរុស្ស៊ីនិង អ៊ុយក្រែន បានធ្វើឱ្យប៉ះពាល់តម្លៃប្រេងឥន្ធនៈ ឧស្ម័ន អគ្គិសនី​ ដែលធ្វើឱ្យ វិបត្តិថាមពលពិភពលោកមានការកើនឡើងខ្ពស់ ខណៈដែលកម្ពុជាក៏ទទួលរងផលប៉ះពាល់ទាំងនេះផងដែរ។  ដូច្នេះហើយទើបថ្មីៗនេះប្រមុខរាជរដ្ឋាភិបាល នៃព្រះរាជាណាចក្រកម្ពុជាបានអំពាវនាវឱ្យប្រជាពលរដ្ឋ និងស្ថាប័នរដ្ឋនានាត្រូវចេះសន្សំសំចៃការប្រើប្រាស់ភ្លើងអគ្គិសនីតាមដែលអាចធ្វើទៅបានដើម្បីចៀសវាងនៃការឡើងថ្លៃអគ្គិសនី។

នៅក្នុងពិធីសំណេះសំណាលជាមួយគណៈប្រតិភូ កីឡាអាស៊ានប៉ារ៉ាហ្គេម កាលពីថ្ងៃទី ០៦ ខែ កក្កដា ឆ្នាំ ២០២២ សម្ដេចតេជោ ហ៊ុន សែន នាយករដ្ឋមន្ដ្រីបានមានប្រសាសន៍ថា “ខ្ញុំសូមអំពាវនាវដល់ប្រជាពលរដ្ឋសន្សំសំចៃទៅលើការប្រើប្រាស់ភ្លើង ទាំងប្រជាពលរដ្ឋខ្លួនឯង ទាំងបណ្ដាស្ថាប័នរបស់ជាតិទាំងអស់”។ ការប្រកាស ស្នើសុំរបស់សម្ដេចតេជោនាយករដ្ឋមន្ដ្រីឱ្យប្រជាពលរដ្ឋ និងគ្រប់ស្ថាប័នទាំងអស់សន្សំសំចៃការ ប្រើប្រាស់អគ្គិសនីនេះ ដោយសារប្រទេសកម្ពុជាកំពុងខាតបង់ទៅលើតម្លៃ អគ្គិសនីជាង១០០លានដុល្លារ ។

ថ្លែងក្នងពិធីសំណេះដំណាលនេះសម្ដេចតេជោ បានមានប្រសាសន៍បន្ថែមថា“ តាមពិតគោលដៅរបស់ខ្ញុំត្រូវ ចុងឆ្នាំ ២០២២ នេះត្រូវប្រកាសចុះថ្លៃអគ្គិសនី បន្ដិចទៀត បើសិនមិនមានបញ្ហាវិបត្តិនេះកើតឡើង ប៉ុន្តែពេលនេះមិនត្រឹមតែមិនអាចបញ្ចុះថ្លៃបាននោះទេ ថែមទាំងបំពេញការខ្វះខាតឱ្យអគ្គិសនី ថែមទៀតផង”។

គួរបញ្ជាក់ថា បើតាមរបាយការណ៍របស់អាជ្ញាធរអគ្គិសនីកម្ពុជា បាន បង្ហាញថា ក្នុងឆ្នាំ២០២១កន្លងទៅ កម្ពុជាទទួលបានទុនវិនិយោគសរុបលើវិស័យ អគ្គិសនី ប្រមាណ ១ ៦០០ លានដុល្លារ។ ក្នុងនោះការវិនិយោគដោយអគ្គិសនីកម្ពុជា មានទឹក ប្រាក់ ៦០០លានដុល្លារអាម៉េរិក និងការវិនិយោគដោយវិស័យឯកជនមានទឹកប្រាក់ចំនួន ១ ០០០ លានដុល្លារ៕

អត្ថបទដោយ៖ ឌឿក ស្រី នុច រតនៈ

ប្រសាសន៍ទាំងស្រុងរបស់សម្ដេចតេជោ ហ៊ុន សែន នៅក្នុងពិធីសំណេះសំណាលជាមួយគណៈប្រតិភូ កីឡាអាស៊ានប៉ារ៉ាហ្គេម 

 

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth