https://business-cambodia.com/static/3fa983bb-1c52-4616-92c9-ac11b8fb4b0ahttps://business-cambodia.com/static/6fee374d-4e52-43a9-aa7a-11a5d3e92b85https://business-cambodia.com/static/91a38920-de5f-4e1d-ae8a-2664df6e29a6https://business-cambodia.com/static/c5d09957-8d57-4388-a42a-df76facbca7f
https://business-cambodia.com/static/07285dec-566c-44df-8c5a-4ae66a742e37https://business-cambodia.com/static/c8b2f50e-c564-420a-b6d3-2b46d693a58d
អត្ថបទ >
អចលនទ្រព្យ
គម្រោងសាងសង់ផ្លូវជាតិលេខ៤៨ នឹងចាក់កៅស៊ូត្រឹមតែ ៧ សង់ទីម៉ែត្រប៉ុណ្ណោះ ព្រោះមូលហេតុធំទាំងនេះ

Bunthoeun Koem

June 23 2022

347

មន្ដ្រីជាន់ខ្ពស់ក្រសួងសាធារណការ និងដឹកជញ្ជូន បានលើកឡើងថា គម្រោងសាងសង់ផ្លូវជាតិលេខ ៤៨ ស្ថិតនៅក្នុងខេត្ដកោះកុង នឹងត្រូវចាក់បេតុងកៅស៊ូ កម្រាស់ត្រឹមតែ ៧ សង់ទីម៉ែត្រប៉ុណ្ណោះ។ មូលហេតុនេះ ដោយសារតែផ្លូវជាតិលេខ៤៨ មានរថយន្ដដឹកទំនិញតិច បើប្រៀបធៀបទៅនឹងផ្លូវជាតិលេខ៥ និងផ្លូវជាតិលេខ៣​ ជាដើម។

289005672 340074118303589 693213984651853156 N

តាមការបញ្ជាក់ពីឯកឧត្ដម ស៊ុន ចាន់ថុល ទេសរដ្ឋមន្រ្ដី រដ្ឋមន្រ្ដីក្រសួងសាធារណការ និងដឹកជញ្ជូន ក្នុងឱកាសចុះពិនិត្យ ក្នុងការចុះពិនិត្យគម្រោងជួសជុលផ្លូវជាតិលេខ៤ និងការចុះពិនិត្យវឌ្ឍនភាពការងារសាងសង់លើកកម្រិតគុណភាពផ្លូវជាតិលេខ៤៨ កាលពី ថ្ងៃទី២២ ខែមិថុនា ឆ្នាំ២០២២ បានឲ្យដឹងថា «ផ្លូវជាតិលេខ ៤៨ យើងចាក់តែ ៧ សង់ទីម៉ែត្រទេ ដោយសារចំនួនរថយន្ដដែលបើក លើផ្លូវលេខ៤៨ វាតិចជាងរថយន្ដបើកលើផ្លូវលេខ៥ ដែលជាផ្លូវឆ្អឹងខ្នងដ៏សំខាន់»។

ឯកឧត្ដមបន្ថែមថា ផ្លូវនីមួយៗគឺមានលក្ខណៈខុសៗគ្នា យើងចង់ធ្វើដូចផ្លូវជាតិលេខ៥ ក៏បានដែរ ប៉ុន្ដែថវិកាមានកម្រិត។ តែយ៉ាងណាគុណភាពនៅតែរក្សាបានល្អដូចគ្នា។

សូមជម្រាបថា ផ្លូវជាតិលេខ៤៨ គឺជាផ្លូវសំខាន់មួយផងដែរ ដែលតភ្ជាប់ពីស្រុកស្រែអំបិល ទៅកាន់ខេត្ដកោះកុង មានចម្ងាយ ១៤៨ គីឡូម៉ែត្រ។ ហើយនៅក្នុង ១៤៨ គីឡូម៉ែត្រនេះ បានបែកចែកការសាងសង់ជា២ កំណាត់ ដោយកំណាត់ផ្លូវប្រវែង២៥ គីឡូម៉ែត្រនឹងពង្រីកពី ២ ទៅ ៤ គន្លង និងកំណាត់ ១២៣ គីម៉ែត្រពង្រីក ឲ្យបាន១១ ម៉ែត្រផងដែរ ដោយចាក់បេតុងកៅស៊ូ AC កម្រាស់ ៧ សង់ទីម៉ែត្រ។

គម្រោងផ្លូវនេះបានបើកការដ្ឋានសាងសង់កាលពីថ្ងៃទី៣ ខែមករា ឆ្នាំ២០២២ ហើយគិតមកដល់ពេលនេះ សម្រេចការសាងសង់បានចំនួន ៨ ភាគរយហើយ ហើយគ្រោងនឹងបញ្ចប់នៅខែមិថុនា ឆ្នាំ២០២៤។ ចំពោះថវិកាសម្រាប់ការសាងសង់វិញគឺមានប្រមាណ ប្រមាណ៦៥,១៤ លានដុល្លារអាមេរិក ក្រោមឥណទានសម្បទានពីរដ្ឋាភិបាលនៃសាធារណរដ្ឋកូរ៉េ តាមរយៈមូលនិធិនៃកិច្ចសហប្រតិបត្តិការអភិវឌ្ឍន៍សេដ្ឋកិច្ច (EDCF) រួមជាមួយថវិកាបដិភាគរបស់រាជរដ្ឋាភិបាលកម្ពុជាសម្រាប់ការដោះស្រាយផលប៉ះពាល់ ការបោសសម្អាតគ្រាប់មីនយុទ្ធភណ្ឌមិនទាន់ផ្ទុះ និងពន្ធអាករផ្សេងៗ៕

អត្ថបទ៖ កឹម ប៊ុនធឿន

សូមស្ដាប់ប្រសាសន៍ទាំងស្រុងរបស់ឯកឧត្ដមក្នុងវីដេអូខាងក្រោម៖

288863268 340075998303401 4998201771462541287 N

 

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth