អត្ថបទ >
អត្ថបទ PR
ក្រុមហ៊ុនផ្តល់សេវាកម្មគ្រប់គ្រងអចលនទ្រព្យលំដាប់ពិភពលោក Chestertons បើកសម្ពោធជាផ្លូវការនៅកម្ពុជា

Daneth Mech

May 13 2022

ក្រុមហ៊ុន Chestertons បានចាត់ទុកកម្ពុជា​ ជាទីផ្សារ «គន្លឹះ, រីកចម្រើនខ្លាំង» ស្របតាម​យុទ្ធសាស្រ្តពង្រីកខ្លួននៅតំបន់​អាស៊ី​។ ហើយវត្តមានក្រុមហ៊ុនដែលមានអាយុកាលជាង២០០ឆ្នាំនេះ  នឹងជួយលើកកម្ពស់ស្តង់ដារក្នុងការគ្រប់គ្រងអចលនទ្រព្យនៅកម្ពុជា  និងបង្កើនទំនុកចិត្តដល់អ្នកវិនិយោគ។

ក្រុមហ៊ុនផ្តល់សេវាកម្មគ្រប់គ្រងអចលនទ្រព្យលំដាប់ពិភពលោក Chestertons Cambodia ដែលមានប្រភពដើមពីចក្រភពអង់គ្លេស បានបើកសម្ពោធជាផ្លូវការនៅកម្ពុជា​ ដើម្បីឆ្លើយតបទៅនឹងកំណើនតម្រូវការលើការគ្រប់គ្រងអគារលំនៅឋាន និងអគារពាណិជ្ជកម្ម។​

ពិធីបើកសម្ពោធជាផ្លូវការរបស់ក្រុមហ៊ុន​ Chestertons Cambodia ត្រូវបានរៀបចំធ្វើឡើងនៅឯសណ្ឋាគារ Raffles Hotel Le Royal ដោយមានការអញ្ជើញចូមរួមពីគណៈគ្រ​ប់គ្រង​ក្រុមហ៊ុន Chestertons នៅកម្ពុជា និង ចក្រភពអង់គ្លេស​ ព្រមទាំងភ្ញៀវកិត្តិយសជាតិ និងអន្តរជាតិជាច្រើននាក់។​

បច្ចុប្បន្ន​ក្រុមហ៊ុន Chestertons មានអាយុកាល ២១៦ឆ្នាំ​ ហើយ Chestertons បាន​បើក​ការិយាល័យ​ជា​ផ្លូវការ​​​ទី​៣០​របស់​ខ្លួន នៅ​​រាជធានី​ភ្នំពេញ​។ ក្នុងនោះ ក្រុមហ៊ុន Chestertons Cambodia នឹង​ផ្ដោត​សំខាន់​លើ​ សេវាកម្ម​គ្រប់គ្រង​អចលនទ្រព្យ​ ដូច​ជា​អគារ​ការិយាល័យ អគារលំនៅឋាន ​បុរី រួម​ទាំង​អគារ​ពាណិជ្ជកម្ម​ផ្សេងៗ​ទៀត​នៅក្នុង​ប្រទេស​កម្ពុជា។

Kuek Narin Chairman of Chestertons Cambodia

លោក  កឺក ណារិន ប្រធានក្រុមប្រឹក្សាភិបាលក្រុមហ៊ុន Chestertons Cambodia ផ្តល់បទសម្ភាសន៍ដល់អ្នកសារព័ត៌មាន  ការរីកចម្រើនលើវិស័យសំណង់ និងវិស័យ​អចលនទ្រព្យ កំពុង​រីក​ដុះដាល​ខ្លាំង ដូចជាសំណង់​អគារ​សម្រាប់​ការ​ស្នាក់នៅ​ និង​ធុរកិច្ច ។ លោក កត់​សម្គាល់​ឃើញ​​ថា ការផ្តល់សេវាគ្រប់គ្រងអចលនទ្រព្យកន្លងមក ហាក់នៅមាន​ចំណុច​ខ្វះ​ខាតនៅឡើយ ដែលទាមទារឲ្យ​មាន​អ្នកជំនាញផ្នែកគ្រប់គ្រង ដើម្បីផ្តល់សេវាកម្មនេះ​ប្រកប​​ដោ​យ​​​ប្រសិទ្ធិភាព​។​

លោក​កឹក ណារិន បានថ្លែងថា៖ «Chestertons Cambodia មានចក្ខុវិស័យវែងឆ្ងាយសម្រាប់ដំណើរការក្រុមហ៊ុនរបស់យើងនៅក្នុងទីផ្សារប្រទេសកម្ពុជា តាម​រយៈ​ការ​ចូលរួមចំណែកដើម្បីផ្តល់សេវាកម្មគ្រប់គ្រប់អចលនទ្រព្យនេះជូនអ្នកអភិវឌ្ឍន៍អចលនទ្រព្យ អ្នកវិនិយោគ និងម្ចាស់អគារអោយបានល្អបំផុត»។​

Photo 2022 05 13 15 53 14

Photo 2022 05 13 15 53 18 (2)

យោងតាមការបញ្ជាក់ពីអ្នកជំនាញអចលនទ្រព្យ ការទទួលបានសេវាគ្រប់គ្រងអចលនទ្រព្យដែលមានទាំងកេរ្តិ៍ឈ្មោះល្បីល្បាញ និងស្តង់ដារលំដាប់អន្តរជាតិ នឹងផ្តល់អត្ថប្រយោជន៍ជាច្រើនដល់ម្ចាស់ទ្រព្យ ជាពិសេសនោះគឺជួយឱ្យតម្លៃអចលនទ្រព្យនោះឡើងថ្លៃខ្ពស់ ហើយងាយស្រួលលក់ចេញ ឬដាក់ជួល​។

របាយការណ៍ប្រចាំឆ្នាំរបស់ក្រសួងរៀបចំដែនដី នគរូបនីយកម្ម និងសំណង់ បានបង្ហាញថា ក្នុងឆ្នាំ២០២១កន្លងទៅនេះ មានគម្រោងសាងសង់ជាង ៤ ៣០០ គម្រោង ទទួលបានការអនុម័ត ដែលមានផ្ទៃក្រឡាកម្រាលសំណង់សរុបជិត ១៣ លានម៉ែត្រការ៉េ។ គម្រោងសាងសង់ទាំងនេះ មានទុនវិនិយោគបូកបញ្ចូលគ្នាប្រមាណ ៥,៣ ប៊ីលានដុល្លារ៕  ​

Photo 2022 05 13 15 53 16

Photo 2022 05 13 15 53 15

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth