អត្ថបទ >
ភាពជាអ្នកដឹកនាំ
មេធំ Foodpanda ថា ផ្តោតលើរឿងពីរនេះឲ្យខ្លាំង អាចដឹកនាំអាជីវកម្មរីកសាយពេញពិភពលោក

Kan Dara

August 4 2022

228

Foodpanda គឺជាទីផ្សារចែកចាយអាហារចល័តដែលគ្រប់គ្រងដោយក្រុមហ៊ុន Delivery Hero SE ដែលមានទីស្នាក់ការកណ្តាលនៅទីក្រុងប៊ែកឡាំង ប្រទេសអាឡឺម៉ង់។ វាបានក្លាយជាតួឯកមួយក្នុងតំបន់លើវិស័យចែកចាយអាហារចាប់តាំងពីឆ្នាំ ២០១២ មកម្លេះ។ គិតមកទល់នឹងពេលនេះ Foodpanda បានប្រតិបត្តិការនៅប្រហែល ៥០ប្រទេសជុំវិញពិភពលោក។ ក្នុងនោះវាក៏បានធ្វើដំណើរប្រតិបត្តិការនៅក្នុងទីផ្សារអាស៊ីចំនួន ១២ប្រទេសផងដែររួមមាន ប្រទេសសិង្ហបុរី ហុងកុង ថៃ​​ ហ្វីលីពីន និងប្រទេសកម្ពុជា រួមទាំងប្រទេសមួយចំនួនទៀត។

តាមរយៈបទសម្ភាសន៍មួយរវាងសារព័ត៌មាន KrASIA ជាមួយលោក Jakob Angele នាយកប្រតិបត្តិ Foodpanda APAC ក្នុងវេទិការសំណួរចម្លើយ និងដើម្បីពិភាក្សាអំពីការធ្វើដំណើររបស់ក្រុមហ៊ុននៅក្នុងតំបន់និងផែនការនាពេលអនាគត កាលពីពេលកន្លងទៅនេះ មេធំ Foodpanda រូបនេះបានលើកឡើងពីចំណុចរសើបធំៗពីរ ដែលជួយជំរុញឲ្យ Foodpanda ពង្រីកវិសាលភាពរបស់ខ្លួនដោយបានដាក់ដំណើរប្រតិបត្តិការនៅទូទាំង ៥០ប្រទេសជុំវិញពិភពលោក៖

លោកបានលើកឡើងថា «ដើម្បីអាចធ្វើរឿងដ៏អស្ចារ្យនិងឆ្ពោះទៅកាន់ដំណើរនៃការរីកសាយភាយមានវិសាលភាពធំទូលាយបាន អ្នកត្រូវផ្អែកលើរឿងពីរសំខាន់គឺ របៀបដែលអ្នករៀបចំរចនាសម្ព័ន្ធផ្ទៃក្នុង និងរបៀបដែលការសម្រេចចិត្តត្រូវបានធ្វើឡើង»។

Foodpanda ប្រតិបត្តិការដូចជាសហព័ន្ធនៃប្រទេស ពោលគឺកម្លាំងដ៏ធំចលតទូទាំងប្រទេសជាជាងគ្រាន់តែជាក្រុមហ៊ុនមួយ។ ពួកគេមានរចនាសម្ព័ន្ធផ្ទៃក្នុងរឹងមាំ និងធ្វើការសម្រេចិត្តល្អិតល្អន់បំផុត រាប់ចាប់តាំងពីប្រតិបត្ដិការក្នុងស្រុកទាក់ទងនឹងយុទ្ធសាស្រ្តពាណិជ្ជកម្ម ផ្តល់អំណាចក្នុងការជ្រើសរើសទីតាំង កំណត់ភោជនីយដ្ឋាន របៀបដែលពួកគេចំណាយប្រាក់​ និងទទួលប្រាក់។

នេះគឺជាគំរូមេរៀនមួយពីមេធំរបស់ Foodpanda APAC សម្រាប់ជាគំនិតបន្ថែមដល់ម្ចាស់អាជីវកម្ម។ ពង្រឹង រួចចាំពង្រីក ដើរមួយជំហានយឺតៗតែច្បាស់លាស់ ផ្តល់សិទ្ធសេរីភាពដល់ថ្នាក់ក្រោម គឺជាអ្វីដែលថ្នាក់ដឹកនាំ ឬម្ចាស់អាជីវកម្មត្រូវផ្តោតការយកចិត្តទុកដាក់។

អត្ថបទដោយ៖ កាន់ ដារ៉ា (ស្មេរពនេចរ) ម្ចាស់ស្នាដៃសៀវភៅ «ក្រដាស១សន្លឹក»

ទំនាក់ទំនងតាមរយៈ៖ Facebook Page: Kan Dara ឬ Telegram: 0964997366

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth