https://business-cambodia.com/static/3fa983bb-1c52-4616-92c9-ac11b8fb4b0ahttps://business-cambodia.com/static/6fee374d-4e52-43a9-aa7a-11a5d3e92b85https://business-cambodia.com/static/91a38920-de5f-4e1d-ae8a-2664df6e29a6https://business-cambodia.com/static/c5d09957-8d57-4388-a42a-df76facbca7f
https://business-cambodia.com/static/07285dec-566c-44df-8c5a-4ae66a742e37https://business-cambodia.com/static/c8b2f50e-c564-420a-b6d3-2b46d693a58d
អត្ថបទ >
ភាពជាអ្នកដឹកនាំ
ប្រាក់១០សេនផ្លាស់ប្តូរជីវិតស្ថាបនិក​​ប្រេន​ Dior រត់តាមក្តីស្រមៃក្នុងវ័យ២៣ឆ្នាំ

Kan Dara

May 23 2022

84

បើនិយាយដល់អាណាចក្រប្រណិតភាពមួយតួខ្លួនគេមិនភ្លេចរាប់បញ្ចូលនូវប្រេនបែបរម្យទម​មួយនេះទេ។Diorគឺជាឈ្មោះរបស់ម្ចាស់ស្ថាបនិកផ្ទាល់ដែលជាអ្នកច្នៃម៉ូតដ៏ល្បីល្បាញមួយនាសតវត្សន៏ទី១៩​ក្នុងប្រទេសបារាំង។ លោក Christain Dior កើតនៅ ថ្ងៃទី២១​ ខែមករា ឆ្នាំ១៩០៥ នាទីក្រុង Grandville ដែលជាតំបន់មាត់សមុទ្ររបស់ប្រទេសបារាំង។ ស្ថាបនិករូបនេះចម្រើនវ័យក្នុងគ្រួសារ​ស្តុកស្តម្ភមួយ ដែលមានឪពុកជាម្ចាស់ឧស្សាហកម្មផលិតជីចម្រុះ។

ជាមួយគ្នានោះក្នុងពេលដែលលោកមានអាយុ ៥ឆ្នាំគ្រួសារក៏បានផ្លាស់ប្តូរទីលំនៅមកកាន់ទីក្រុង​ប៉ារីសដោយគ្រួសាររបស់លោកមានបំណងចង់ឱ្យលោក​ Dior ក្លាយជាអ្នកការទូតបរទេស ប៉ុន្តែលោក​បែរជាស្រឡាញ់និងមានដុងសិល្បៈទៅវិញ។ ក្នុងឆ្នាំ១៩២៨​​ ក្រោយបញ្ចប់ការសិក្សា​​ដោយមើលឃើញអំពីក្តីស្រមៃដែលកូនស្រឡាញ់សិល្បៈ លោកឪពុកក៏បានផ្តល់ប្រាក់បន្តិច​បន្តួចដើម្បីបើកហាងវិចិត្រសាលតូចមួយដែលមានលក់គំនូរក្នុងមួយសន្លឹក១០សេន ប៉ុណ្ណោះ។​ សេចក្តីសុខជាមួយនឹងហាងគំនូរតូចមួយនេះមិនបានប៉ុន្មាននោះទេ ដោយ៣ឆ្នាំក្រោយមក ឪពុកនិងបងប្រុសបានស្លាប់ហើយគ្រួសារធ្លាក់ខ្លួនក្រដោយសារវិបត្តិសេដ្ឋកិច្ចប្រទេសបារាំងដែលបង្ខំ​ចិត្តឱ្យលោកបិទហាងចោល។

​​​​​​នៅឆ្នាំ១៩៣៧​ លោក Dior ក៏បានចូលបម្រើការឱ្យអ្នកច្នៃម៉ូតជើងចាស់ម្នាក់​ដែលបានបង្ហាត់បង្រៀនពីរបៀ​បនៃការចេញម៉ូតសម្លៀក​បំពាក់ ព្រមទាំងប្រាប់ពីរូបមន្តនៃប្រណិតភាពរបស់សម្លៀកបំពាក់ទៀតផង។ ចំណុចចាប់ផ្តើមនៃក្តីស្រមៃព្រោះថាលោកក៏ស្រឡាញ់សិល្បៈនៃការច្នៃម៉ូតផងដែរ។ លោកបានចូលបម្រើកងទ័ព និងបានរត់ចោលជួរវិញក្នុងឆ្នាំ១៩៤៦ និងបានក្លាយជាអ្នកច្នៃម៉ូតសម្រាប់ភរិយាមេដឹកនាំធំៗ​។ ក្នុងឆ្នាំដដែលនោះ​លោក​បាន​បើកដំណើរការហាងសម្លៀកបំពាក់Dior House នេះឡើងដោយមានការជ្រោមជ្រែងពីថៅកែក្រណាត់របស់លោក​។ ហាងសម្លៀកបំពាក់របស់លោកចេះតែមានការវិវត្តទៅមុខនិងក្លាយជាប្រេនប្រណិតបំផុតដែលសុះសាយពាសពេញពិភពលោករហូតមកដល់បច្ចុប្បន្ន។

យ៉ាងណាមិញយុទ្ធសាស្រ្ត៣ ដែលប្រេន Dior តែងតែធ្វើនៅក្នុងទីផ្សារអាចឈរជើងរហូតមកដល់បច្ចុប្បន្ននេះមានដូចជា៖

.ផ្តោតលើសម្រស់

ការចេញម៉ូតនីមួយៗគឺត្រូវផ្តោតទៅលើសម្រស់ និងមានភាពឥតខ្ចោះតែម្តង​សម្រាប់ផលិតផល​ ដើម្បីឱ្យស័ក្តិសមទៅនឹងអ្នកប្រើប្រាស់​។

.ការបង្ហាញម៉ូត

ធ្វើការបង្ហាញម៉ូតនៅពេលដែលចេញម៉ូតថ្មី និងកម្មវិធីមានការសម្រិតសម្រាំងបំផុតសម្រាប់អ្នកប្រើប្រាស់។

.អ្នកមានឥទ្ធិពល

ធ្វើការផ្សព្វផ្សាយដោយប្រើប្រាស់ អ្នកដែលមានឥទ្ធិពលផ្សព្វផ្សាយទៅក្នុងសង្គមជាន់ខ្ពស់៕

អត្ថបទដោយ៖ ពីង ជូអេង ( ត្រចៀកកាំ​ )

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth