២. ប្រសិនបើអ្នកមានគ្រួសារ៖ ត្រង់ចំណុចនេះគាត់បានពន្យល់ថា “ផ្ទះជារបស់ចាំបាច់ណាស់សម្រាប់គ្រួសារមួយ ដូច្នេះហើយអ្នកគួរតែទិញវាទៅ”។ បើក្នុងករណីថាអ្នកមានលុយដែលសន្សំបានគ្រប់គ្រាន់សម្រាប់ទិញផ្ទះមួយខ្នង​ អ្នកជំនាញហិរញ្ញវត្ថុរូបនេះបញ្ជាក់ថា “អ្នកពុំគួរយកវាទៅទិញទាំងដុលឡើយ គួរតែបង់ត្រឹម ៤០% ទៅ​៥០% សិនបានហើយ ឯចំណែកដែលនៅសល់គួរខ្ចីពីធនាគារបង្រ្គប់វិញ”។​

គាត់លើកជាឧទាហរណ៍ថា ប្រសិនបើមានលុយទិញផ្ទះតម្លៃ ១០ម៉ឹនដុល្លារ អ្នកគួរតែដកលុយខ្លួនឯងត្រឹម ៥ម៉ឹនដុល្លារអីបានហើយចំណែក ៥ម៉ឺនដុល្លារទៀតយកពីធនាគារមកបង្គ្រប់សិន។ ឯចំពោះលុយ ៥ម៉ឺនដុល្លារ របស់អ្នកដែលនៅសល់អ្នកគួរតែយកវាទៅវិនិយោគលើជំនាញ អាជីវកម្ម ឬវិនិយោគលើផ្សារហ៊ុនខ្មែរ និងអចលនទ្រព្យជាដើម ដើម្បីឱ្យវាកើនឡើង។

ក៏ប៉ុន្តែអ្នកត្រូវប្រាកដចិត្តថាអ្នកវិនិយោគលើអ្វីដែលខ្លួនឯងចេះពិតប្រាកដ ទើបវាអាចមានឱកាសទាញផលចំណេញធ្វើឱ្យលុយកើន និងមិនខាតដើម។ អ្វីដែលសំខាន់អ្នកអាចបង់ធនាគារបណ្ដើរៗ ទម្រាំដល់ផុតអស់ លុយ ៥ម៉ឺនដុល្លារដែលអ្នកវិនិយោគវាក៏កើនឡើងតាមហ្នឹងដែរ ចំណុចនេះវាធ្វើឱ្យអ្នកចំណេញបានទាំងផ្ទះមួយខ្នង​បានទាំងលុយកើនថែមទៀត។

គួរបញ្ជាក់ផងដែរថា ធនាគារឯកទេស ខេប៊ី ដេហាន  នឹងមានវត្តមានចូលរួមក្នុងកម្មវិធីពិព័រណ៌មុខរបរដែលរៀបចំដោយក្រុមការងារ Business Cambodia នៅថ្ងៃទី២៩ និង ទី៣០ ខែតុលា ឆ្នាំ២០២២ ខាងមុខនេះ ។ ដូច្នេះសម្រាប់លោកអ្នកដែលមានបំណងចង់ចូលរួម សូមទំនាក់ទំនងចុះឈ្មោះតាមរយៈលេខ៖ 081 688 228 (ចំនួនមានកំណត់) ៕

អត្ថបទដោយ៖ សូ សុខលី