https://business-cambodia.com/static/3fa983bb-1c52-4616-92c9-ac11b8fb4b0ahttps://business-cambodia.com/static/6fee374d-4e52-43a9-aa7a-11a5d3e92b85https://business-cambodia.com/static/91a38920-de5f-4e1d-ae8a-2664df6e29a6https://business-cambodia.com/static/c5d09957-8d57-4388-a42a-df76facbca7f
https://business-cambodia.com/static/07285dec-566c-44df-8c5a-4ae66a742e37https://business-cambodia.com/static/c8b2f50e-c564-420a-b6d3-2b46d693a58d
អត្ថបទ >
ហិរញ្ញវត្ថុ
ប្រយ័ត្នផង! ប្រទេស១នេះចេញច្បាប់ឱ្យអ្នកកើតជំងឺអុតស្វាធ្វើចត្តាឡីស័កខណៈវាជាបញ្ហាថ្មីរបស់ពិភពលោក

Toeuy Hong

May 24 2022

6.2K

ថ្មីៗនេះជំងឺអុតស្វា ត្រូវបានគេចាត់ទុកជាបញ្ហារបស់ពិភពលោកទាំងមូល ព្រោះតែវារីករាលដាលទៅកាន់ប្រទេសជាង១០ទៅហើយ ទន្ទឹមនឹងនោះប្រទេសបែលហ្ស៊ិក ពេលនេះបានក្លាយជាប្រទេសទី១ដែលប្រកាសឱ្យអ្នកជំងឺអុតស្វាធ្វើចត្តាឡីស័ក នេះបើយោងតាមការចុះផ្សាយរបស់សារព័ត៌មាន CNBC។

បើគិតត្រឹមថ្ងៃច័ន្ទ ប្រទេសមួយនេះមានករណីឆ្លង ៤នាក់ហើយ ជាហេតុធ្វើឱ្យអាជ្ញាធរសុខាភិបាលរបស់បែលហ្ស៊ិក បានណែនាំវិធានការឱ្យអ្នកជំងឺអុតស្វា នៅដាច់ដោយឡែកពីគេរយៈពេល ២១ថ្ងៃ ឬរហូតដល់ពួកគេជាសះស្បើយ (អាស្រ័យលើការណែនាំជាក់ស្ដែងរបស់គ្រូពេទ្យព្យាបាលពួកគេ) ។ គួរបញ្ជាក់ផងដែរថាគេមិនដាក់កំហិតឱ្យផ្ដាច់ខ្លួនពីអ្នកជិតស្និទដូចកាលពីជំងឺកូវីដ១៩ឡើយ ប៉ុន្តែគេលើកទឹកចិត្តឱ្យរក្សាការប្រុងប្រយ័ត្ន និងកុំទំនាក់ទំនងជាមួយអ្នកងាយរងគ្រោះ ដូចជាកុមារ និងមនុស្សចាស់ជាដើម។

គិតត្រឹមថ្ងៃសៅរ៍ អង្គការសុខភាពពិភពលោក បានរាយការណ៍ថាមានករណីឆ្លងចំនួន៩២ និងករណីសង្ស័យ២៨ នៅក្នុង១២ប្រទេស។ ក្នុងនោះដែរស្ថាប័នសុខភាពសាធារណៈបានលើកឡើងថា ករណីដែលបានរាយការណ៍នាពេលថ្មីៗនេះមិនមានទំនាក់ទំនងទៅនឹងការធ្វើដំណើរពីបណ្ដាប្រទេសក្នុងតំបន់អាហ្រ្វិក ប៉ុន្តែវាដូចជាការឆ្លងតាមរយៈការទំនាក់ទំនងដោយផ្ទាល់ ពីមនុស្សទៅមនុស្ស ឬពីសត្វទៅសត្វ។

បន្ថែមពីនេះ អង្គការសុខភាពពិភពលោក បានលើកឡើងនៅក្នុងសេចក្ដីថ្លែងការណ៍ដែលបានបង្ហោះនៅលើគេហទំព័ររបស់ខ្លួន កាលពីថ្ងៃសៅរ៍ថា​ «ការស៊ើបអង្កេតរោគរាតត្បាតកំពុងបន្ត ប៉ុន្តែករណីដែលបានរាយការណ៍មកទល់ពេលនេះមិនទាន់មានទំនាក់ទំនងជាមួយនឹងការធ្វើដំណើរទៅកាន់តំបន់ឆ្លងឡើយ»

អត្ថបទដោយ៖ សូ សុខលី

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth