អត្ថបទ >
ហិរញ្ញវត្ថុ
មកស្គាល់ក្រុមហ៊ុនកំពូលៗ៣ ដែលបានបង់ពន្ធចូលរដ្ឋច្រើនជាងគេបំផុត នៅក្នុងឆ្នាំ២០២១

Toeuy Hong

May 12 2022

6.3K

បើទោះបីជាប៉ុន្មានឆ្នាំចុងក្រោយនេះប្រទេសកម្ពុជាស្ដិតនៅក្រោមការគំរាមកំហែងពី ជំងឺកូវីដ-១៩ ក្ដីក៏យើងសង្កេតឃើញថាមានក្រុមហ៊ុនជាច្រើននៅតែអាចឈរជើងបានយ៉ាងរឹងមាំ។ មិនតែប៉ុណ្ណោះក្រុមហ៊ុនមួយចំនួនទៀតថែមទាំងអាចរកចំណូលយ៉ាងច្រើន រហូតជាប់ឈ្មោះជាក្រុមហ៊ុនដែលបានបង់ពន្ធចូលរដ្ឋច្រើនជាងគេ។

ជាក់ស្ដែងក្រុមហ៊ុនកំពូល៣ខាងក្រោមនេះបានទទួលលិខិតថ្លែងអំណរគុណ​ និងកោតសរសើរពី សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា ​ចំពោះ​ការចូលរួម​ចំណែក​បំពេញ​កាតព្វកិច្ច​បង់ពន្ធ​ដារ​ជូន​រដ្ឋ​​ជាប់​ចំណាត់ថ្នាក់បង់ពន្ធខ្ពស់ជាងគេទាំង៣  នេះបើយោងតាមសារបង្ហោះរបស់គេហទំព័រផ្លូវការរបស់ក្រុមហ៊ុននីមួយៗ។

១. ក្រុមហ៊ុនស្រាបៀរ Heineken ជាប់ចំណាត់ថ្នាក់លេខ១៖​ ក្រុមហ៊ុននេះកាន់កាប់ទីផ្សារយ៉ាងធំទូរលាយ ព្រោះមានផលិតស្រាបៀរជាច្រើនប្រភេទដូចជា ABC Extra Stout, Gold Crown, Anchor, Tiger និង Heineken។

២. គ្រឹះស្ថានមីក្រូហិរញ្ញវត្ថុប្រាសាក់ ជាប់ចំណាត់ថ្នាក់លេខ២៖ ប្រាសាក់គឺជាគ្រឹះស្ថានមីក្រូហិរញ្ញវត្ថុធំជាងគេនៅក្នុងប្រទេសកម្ពុជា ព្រោះតែមានភាគទុនិករឹងមាំពីប្រទេសកូរ៉េគឺធនាគារ KB Kookmin Bank។ គិតត្រឹមឆ្នាំ២០២១ ប្រាសាក់មានទ្រព្យសកម្មសរុប ៤.៣២ ពាន់លានដុល្លារ កើនឡើង ១៩.៥% ធៀបនឹងដំណាច់ឆ្នាំ២០២០។

៣. ធនាគារ ABA ជាប់ចំណាត់ថ្នាក់លេខ៣៖ ឆ្លងកាត់​ការ​អភិវឌ្ឍ ​និង​កំណើន​ជាង​ 25 ​ឆ្នាំ​កន្លង​មកនេះ​ធនាគារ ABA​ បាន​ពង្រឹង​ជំហរ​របស់​ខ្លួន​យ៉ាង​រឹង​មាំ​ក្នុង​ទីផ្សារ​ និងបាន​ក្លាយជា​ធនាគារ​មួយ​ក្នុង​ចំណោម​ធនាគារពាណិជ្ជ​កំពូល​ទាំង​បី​ នៅ​ក្នុង​ប្រទេស​។​ សព្វ​ថ្ងៃនេះ​ ABA​ មាន​បម្រើសេវា​ជូន​ដល់​បណ្ដា​អតិថិជន​ជា​ច្រើន​ដូច​ជា​ សហគ្រាស​ធុន​តូច ​និង​មធ្យម​,​ អាជីវកម្ម​ខ្នាត​តូចនិង​រូបវន្តបុគ្គល​។​​

គួរបញ្ជាក់ផងដែរថាក្រុមហ៊ុនមួយបង់ពន្ធបានកាន់តែច្រើនគឺបង្ហាញថាអាជីវកម្មរបស់ក្រុមហ៊ុននោះកាន់តែមានភាពរីកចម្រើន។ មួយវិញទៀតការបង់ពន្ធគឺជាការចូលរួមចំណែកដែលមិនអាចខ្វះបានពីវិស័យឯកជនដែលជាដៃគូដ៏សំខាន់របស់រដ្ឋ និងជាកម្លាំងចលករសម្រាប់ការអភិវឌ្ឍ និងការរីកលូតលាស់នៃសេដ្ឋកិច្ច និងសង្គមជាតិកម្ពុជា។

អត្ថបទដោយ៖ សូ សុខលី

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth