https://business-cambodia.com/static/3fa983bb-1c52-4616-92c9-ac11b8fb4b0ahttps://business-cambodia.com/static/6fee374d-4e52-43a9-aa7a-11a5d3e92b85https://business-cambodia.com/static/91a38920-de5f-4e1d-ae8a-2664df6e29a6https://business-cambodia.com/static/c5d09957-8d57-4388-a42a-df76facbca7f
https://business-cambodia.com/static/07285dec-566c-44df-8c5a-4ae66a742e37https://business-cambodia.com/static/c8b2f50e-c564-420a-b6d3-2b46d693a58d
អត្ថបទ >
ចាប់ផ្តើមអាជីវកម្ម
ចូលរៀន បានលុយ! វិទ្យាស្ថានធំ១ ប្រកាសរើសសិក្ខាកាម ចូលរៀនជំនាញរថយន្ត រៀនចប់ភ្លាមមានការងារភ្លាម

នេះជាដំណឹងល្អមួយ សម្រាប់អស់លោកអ្នកដែលកំពុងតែស្វែងរកការងារធ្វើ ឬមិនទាន់ដឹងរៀនជំនាញអ្វីឱ្យប្រាកដព្រោះនៅពេលនេះវិទ្យាស្ថានតេជោសែន សាធារណការនិងដឹកជញ្ជូនបានប្រកាសពីការបើកវគ្គបណ្តុះបណ្តាលបច្ចេកទេសយានយន្ត ហើយសម្រាប់សិក្ខាសាលានេះបន្ទាប់ពីរៀនចប់ក្រៅពីទទួលបានការងារធ្វើភ្លាមៗគឺទទួលបានលុយថែមទៀតផង។

ជាមួយគ្នានោះដែរ ចំពោះសិក្ខាសាលានេះគឺទទួលសិស្សចំនួន១២៥នាក់ប៉ុណ្ណោះ ដោយផ្តល់អាទិភាពដល់បេក្ខនារីចំនួន២០នាក់ ឱ្យចូលរៀនវគ្គបណ្តុះបណ្តាលបច្ចេក ទេសយានយន្ត រយៈពេល០៤ខែ នៅវិទ្យាស្ថានតេជោសែន សាធារណការ និងដឹកជញ្ជូន។ក្រោយបញ្ចប់វគ្គសិក្សានិងការបណ្តុះបណ្តាលនេះ សិក្ខាកាមនឹងទទួលបានចំណេះជំនាញពិតប្រាកដលើជំនាញបច្ចេកទេសយានយន្ត រួមមានជាមួយនឹងប្រាក់ឧបត្ថម្ភប្រចាំខែ៦០ដុល្លារ/ខែរយៈពេល០៤ខែ។ 

លើសពីនេះទៅទៀតនៅពេលដែលយើងចេះនៅជំនាញបច្ចេកទេសយានយន្តពិតប្រាកដ ក៏មានឱកាសចុះហាត់ការនៅក្រុមហ៊ុន RMA Group ដោយទទួលបានប្រាក់ឧបត្ថម្ភចំនួន១០០ដុល្លារ/ខែរយៈពេល ០៣ខែ ហើយក្រោយពេលបញ្ចប់ការសិក្សា ហ្វឹកហាត់ និងការបណ្តុះបណ្តាល សិក្ខាកាមនឹងទទួលបានឱកាសការងារជាច្រើននៅក្រុមហ៊ុន RMA Group ផងដែរ។ តាមការបញ្ជាក់ពីវិទ្យាស្ថាន លក្ខខណ្ឌជ្រើសរើសមានដូចជា៖

  • ត្រូវមានអាយុចាប់ពី ១៨ ឆ្នាំ ដល់ ៣០ ឆ្នាំ
  • សញ្ញាបត្រចាប់ពីថ្នាក់ទី ៩ ឡើងទៅ
  • ត្រូវមានសញ្ជាតិជាខ្មែរ មានសម្ថភាព និង ឆន្ទៈខ្ពស់
  • ត្រូវមានការអត់ធន់នឹងការងារ​
  • ចេះអាន និង​ ចេះសរសេរអក្សរខ្មែរច្បាស់លាស់
  • មានក្រមសីលធម៌ និង វិន័យល្អ

សូមជម្រាបថា វគ្គបណ្តុះបណ្តាលបច្ចេកទេសយានយន្តនេះ រៀបចំឡើងក្នុងគោលបំណងបំពេញកង្វះខាតធនធានមនុស្សលើបច្ចេកទេសជួសជុលយានយន្ត ក៏ដូចជាកង្វះខាតធនធានមនុស្សតាមយានដ្ឋានឱ្យមានចំណេះដឹងច្បាស់លាស់ និងអាចមានសមត្ថភាពដំឡើងរថយន្តបម្រើការនៅតាមយានដ្ឋាន ឬគ្រប់គ្រងយានដ្ឋានដោយផ្ទាល់បាន៕

អត្ថបទដោយ៖ ធី ស្រីល័ក្ខ

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth