អត្ថបទ >
ចាប់ផ្តើមអាជីវកម្ម
គំនិតបង្កើតលុយលាន$! យុវជនឥណ្ឌាម្នាក់ ច្នៃកន្ទុយបារី ធ្វើជាតុក្កតា និងរបស់ប្រើប្រាស់ ល្បីទូទាំងប្រទេស

Meng Songly

May 10 2022

145

 សម្រាប់មនុស្សទូទៅ កន្ទុយបារីគឺជារបស់ដែលគួរឱ្យខ្ពើម និងអត់តម្លៃ ហើយគេតែងតែបោះវាចោលនៅតាមទីសារធារណ ប៉ុន្តែដោយឡែក លោក Naman Gupta និងមិត្តភក្ត្រម្នាក់ទៀតរបស់លោក Vipul Gupta បែរជាមានគំនិតកែច្នៃកន្ទុយបារីនេះ ធ្វើជាតុក្ដតា និងសម្ភារៈប្រើប្រាស់ជាច្រើនផ្សេងទៀត ដែលមានភាពល្បីល្បាញ និងជួយបរិស្ថានខ្លាំង នៅទូទាំងប្រទេសឥណ្ឌា។

ថ្លែងនៅក្នុងវីដេអូមួយរបស់ Nas Daily  លោក Naman បានលើកឡើងថា គំនិតដែលនាំឲ្យមានការចាប់ផ្តើមសិប្បកម្មកែច្នៃកន្ទុយបារីនេះឡើង ព្រោះតែលោកមើលឃើញមានកន្ទុយបារីស្ទើរតែនៅគ្រប់ទីកន្លែង។ បើតាមស្ថិតិមានប្រមាណជាង ១២ពាន់លានកន្ទុយបារីដែលត្រូវបានគេបោះចោលជារាល់ថ្ងៃ។ ហើយគ្រាន់តែប្រទេសឥណ្ឌាមួយ មានអ្នកជក់បារីប្រមាណជាង១២០លាននាក់។

ហេតុផលទាំងអស់នេះហើយ ដែលលជម្រុញឲ្យសិប្បកម្មនេះកើតឡើង ដោយក្នុងមួយថ្ងៃ សិប្បកម្មរបស់លោក អាចកែច្នៃកន្ទុយបារី១លានដើម ដោយលោក Naman បានកែច្នៃកន្ទុយបារីទៅជាសម្ភារៈប្រើប្រាស់ផ្សេងៗដូចជា​ ពូក ប្រដាប់ក្មេង តុកត្ដា និងខ្នើយផ្សេងៗ ជាដើម។

ជាចុងក្រោយនេះ លោក Naman បាននិយាយថា “ប្រសិនបើមនុស្សជក់បារី វាជាបញ្ហាមនុស្ស ប៉ុន្តែការសម្អាតបរិស្ថានគឺជាបញ្ហាមួយផ្សេងទៀត”។ យោងទៅតាមកត្តាខាងលើ លោកបានក្លាយជាចំណែកសំខាន់មួយ ដែលអាចដោះស្រាយបញ្ហាពិភពលោក និងជាសញ្ញាបញ្ជាក់ថា អ្វីគ្រប់យ៉ាងដែលយើងឃើញនៅកន្លែងគេបោះចោល សុទ្ធតែអាចមានតម្លៃទាំងអស់ ឱ្យតែយើងផ្តល់តម្លៃឱ្យវា៕

ទស្សនាវីដេអូបន្ថែម៖ 

https://www.facebook.com/watch/?v=528332708910099

អត្ថបទដោយ៖ ផល ធារិត

ពាណិជ្ជកម្ម

ស្វែងយល់អំពីពួកយើង
ទំនាក់ទំនង​មក​ពួក​យើង
  • Address: Building 422 St. 271, Phum 1,
    Stung Mean Chey Khan MeanChey, Phnom Penh
  • Email: sam.businesscambodia@gmail.com
  • Phone: 017/093 300 755
© 2022 Baksey Media. All Rights Reserved.
Developed by: Neak Panhboth