ក្នុងសម័យកាលជឿនលឿន ប្រជាជនកម្ពុជា​បានផ្លាស់ប្តូរទិសដៅប្រើប្រាស់សេវាហិរញ្ញវត្ថុពីបែបប្រពៃណីទៅឌីជីថលបានកើនឡើងគួរឱ្យកត់សម្គាល់ ជាពិសេសការប្រើប្រាស់កម្មវិធី Mobile Banking។ ខាងក្រោមនេះ គឺជាធនាគារកំពូលៗទាំង ៣ ដែលកំពុងពេញនិយមខ្លាំង និងមានអតិថិជនច្រើនបំផុតនៅកម្ពុជា៖

១/. ACLEDA Bank Plc.៖ ជាធនាគារចាស់វស្សាមួយនៅកម្ពុជា និងមានប្រជាជនជាច្រើនជឿទុកចិត្ត។ គិតត្រឹមដំណាច់ត្រីមាសទី ២ ឆ្នាំ ២០២៥ ធនាគារអេស៊ីលីដាបានរាយការណ៍ពីលទ្ធផលហិរញ្ញវត្ថុរឹងមាំជាមួយ ទ្រព្យសម្បត្តិសរុប ១១,៥៥ ពាន់លានដុល្លារ, ប្រាក់បញ្ញើសរុបចំនួន ៨,៩៨ ពាន់លានដុល្លារអាមេរិក និងមូលដ្ឋានអតិថិជនជាង ៥.៩៦ លាននាក់។ មិនតែប៉ុណ្ណោះ ធនាគារ អេស៊ីលីដា ជាធនាគារកម្ពុជាតែមួយគត់ដែលត្រូវបានបញ្ចូលក្នុងចំណាត់ថ្នាក់ “ធនាគារពិភពលោក ១០០០ កំពូលឆ្នាំ ២០២៥” ដោយទស្សនាវដ្តី The Banker។

ក្នុងនោះ ធនាគារ អេស៊ីលីដា មានផ្តល់សេវាកម្មជាច្រើនប្រភេទដូចជា ​សេវា​ឥណទាន និង​សេវា​បញ្ញើ​សន្សំ ​សេវា​ប័ណ្ណ សេវាឌីជីថល សេវា​ផ្ទេរ​ប្រាក់ សេវា​ហិរញ្ញប្បទាន​ពាណិជ្ជកម្ម និង​សេវា​ចាត់ចែង​សាច់ប្រាក់​ជា​ច្រើន​មុខ​ទៀត។ ដើម្បីឲ្យកាន់តែជ្រាបច្បាស់សូមចូលទៅកាន់ហ្វេសបុកផេក ACLEDA Bank Plc. ឬទំនាក់ទំនងតាមរយៈលេខទូរស័ព្ទ ០២៣ ៩៩៤ ៤៤៤, ០១៥ ៩៩៩ ២៣៣។

២/. ABA Bank Plc.៖ គឺជាធនាគារដែលពេញនិយមបំផុតមួយនៅកម្ពុជា និងជាបុត្រសម្ពន្ធរបស់ធនាគារជាតិ កាណាដា ដែលជាគ្រឹះស្ថានហិរញ្ញវត្ថុមួយក្នុងចំណោមធនាគារធំៗជាងគេនៅកាណាដា មានទ្រព្យសកម្មជាង ៣៣៤ ប៊ីលានដុល្លារអាមេរិក គិតត្រឹម ថ្ងៃទី ៣១ ខែមករា ឆ្នាំ ២០២៥ និងទើបទទួលបានវិញ្ញាបនបត្រជាធនាគារល្អបំផុតក្នុងឆ្នាំ ២០២៥ ពី Global Finance។

ធនាគារនេះមាន ១០១ សាខា, ទីតាំងស្វ័យសេវា ABA 24/7 ចំនួន ៤៦កន្លែង, ម៉ាស៊ីនស្វ័យសេវាជាង ១,៨០០ នៅទូទាំងប្រទេស, សេវាធនាគារអនឡាញ និងកម្មវិធីធនាគារតាមទូរស័ព្ទដ៏ទំនើប បានធ្វើឲ្យធនាគារ ABA មានអតិថិជនជាង ៥,១ លាននាក់ ដែលកំពុងប្រើប្រាស់សេវាហិរញ្ញវត្ថុដ៏ទំនើបសម្បូរបែបនេះ។ សម្រាប់ព័ត៌មានលម្អិតសូមចូរទៅកាន់ហ្វេសបុកផេក ABA Bank ឬទំនាក់ទំនងតាមរយៈលេខទូរស័ព្ទ ១៨០០ ២០៣ ២០៣។

៣/. Wing Bank៖  យោងតាមទិន្នន័យចុងក្រោយបានបង្ហាញថា ក្នុងឆ្នាំ ២០២៣ ចំនួនអតិថិជនរបស់ធនាគារ Wing បានកើនឡើង ២៣% ដល់ ៨.៩ លាននាក់ និងឈានមុខគេក្នុងវិស័យ Mobile Banking រួមទាំងសេវាហិរញ្ញវត្ថុឌីជីថល។ ។ ក្នុងនោះ ការអភិវឌ្ឍន៍ប្រចាំឆ្នាំ ២០២៤ បង្ហាញថា ប្រាក់បញ្ញើបានកើន ៦២% ខណៈចំណូលកើន ៧៣%។

ធនាគារឯកទេសវីង ទទួលបានអាជ្ញាប័ណ្ណធនាគារពាណិជ្ជ ពីធនាគារជាតិនៃកម្ពុជា ក្រោមឈ្មោះ “ធនាគារ វីង (ខេមបូឌា) ម.ក”។ ជាមួយនឹងអាជ្ញាប័ណ្ណនេះ វីងបានផ្តល់សិទ្ធិផ្តល់សេវាកម្មហិរញ្ញវត្ថុកាន់ទូលំទូលាយដូចជា៖ សេវាប្រាក់កម្ចី និង ទទួលប្រាក់សន្សំ។ សេវាកម្មទាំងនេះនឹងបំពេញបន្ថែមលើសេវាកម្មហិរញ្ញវត្ថុបែបឌីជីថលរបស់វីងដែលមានស្រាប់ ហើយត្រូវបានផ្តល់ជូនតាមរយៈបណ្តាញយ៉ាងទូលំទូលាយ គឺភ្នាក់ងារវីងដែលមានជាង ៩៣០០ កន្លែង និងកម្មវិធីស្មាតហ្វូនវីង។ សម្រាប់ព័ត៌មានលម្អិតសូមចូរទៅកាន់ហ្វេសបុកផេក Wing Bank ឬទំនាក់ទំនងតាមរយៈលេខទូរស័ព្ទ ០២៣ ៩៩៩ ៩៨៩៕

អត្ថបទដោយ៖ កាន់ ដារ៉ា (ស្មេរពនេចរ) សៀវភៅ «ច្រវាក់ប្រាក់ខែ» (កសាងក្ដីស្រមៃនៅកន្លែងការងារ ចេះបង្កើតចំណូលច្រើនប្រភព) តម្លៃពិសេសត្រឹម ១២$ ប៉ុណ្ណោះ។ បញ្ជាទិញតាម    https://t.me/BusinessCambodiaBook