កាលពីពេលថ្មីៗកន្លងទៅនេះ រាជរដ្ឋាភិបាលបានចេញអនុក្រឹត្យ សម្រេចឲ្យមានការបង្កើតក្រុងថ្មីចំនួន ២ នៅក្នុងខេត្ដកណ្ដាល ដែលក្នុងនោះរួមមាន៖ ក្រុងអរិយក្សត្រ និងក្រុងសំពៅពូន។ យ៉ាងណាក្រោយការប្រកាសបង្កើតក្រុងថ្មីទាំង ២ ខាងលើ ខេត្ដកណ្ដាលក៏ចាប់ផ្ដើមទទួលបានគម្រោងវិនិយោគជាបន្ដបន្ទាប់ពីក្រុមហ៊ុនធំៗទាំងនៅក្នុងស្រុក និងក្រៅស្រុកផងដែរ។

ជាក់ស្ដែងនៅថ្ងៃទី២៥ ខែមករា ឆ្នាំ២០២៣ នេះក្រុមហ៊ុនធំចំនួន ២ បានបោះទុនវិនិយោគសរុបជាង ១០ លានដុល្លារបង្កើតរោងចក្រនៅក្នុងខេត្ដមួយនេះ ខណៈរោងចក្រទាំង ២ នេះក៏នឹងបង្កើតឱកាសការងារជូនពលរដ្ឋនៅក្នុងតំបន់បានជាង ៣ ពាន់កន្លែងផងដែរ។ យោងតាមការចុះផ្សាយពីក្រុមប្រឹក្សាអភិវឌ្ឍន៍កម្ពុជា (CDC) ក្រុមហ៊ុនដែលបោះទុនវិនិយោគនោះរួមមាន៖

១. ក្រុមហ៊ុន “GOLDEN ISLAND GARMENTS (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិព្រៃមាន ឃុំព្រៃពួច ស្រុកអង្គស្នួល មានទុនវិនិយោគប្រមាណ ៥,៤លានដុល្លារអាម៉េរិក និងអាចបង្កើតការងារបានចំនួន ២.១៣៥កន្លែង។