ជាទូទៅអតិថិជនមានទម្លាប់មួយគឺមិនចង់សាកល្បងប្រើផលិតផលថ្មី បើគាត់ធ្លាប់ប្រើផលិតផលមួយណាហើយ គឺប្រើមួយហ្នឹងដោយមិនចង់ប្តូរ ថែមទាំងមិនចង់ចំណាយពេលសិក្សាពីផលិតផលថែមទៀត ក្រោមហេតុផលមិនសូវមានទំនុកចិត្ត។ ស្របគ្នានេះដែរ ថ្ងៃនេះក្រុមការងារ Business Cambodia សូមលើកយកគន្លឹះបញ្ចុះបញ្ចូលចំនួន៥ ចែកជូនដល់បងប្អូនទាំងអស់គ្នា៖
១. ប្រាប់ពីជីវប្រវត្តិCEO
ត្រង់ចំណុចនេះ ជាអ្នកលក់គួរណែនាំភ្ញៀវពីប្រវត្តិរបស់ម្ចាស់ផលិតផល ថាគាត់ជានរណា មានបទពិសោធនិ៍លើវិស័យនេះប៉ុន្មានឆ្នាំហើយ ព្រោះភ្ញៀវមិនចេះតែជឿៗនោះទេ ហើយអ្វីដែលភ្ញៀវកាន់តែខ្លាចទៀតនោះអ្នកផលិតឡើងមិនស្របច្បាប់។ ឧទាហរណ៍ផលិតផលរបស់អ្នកគឺ មីកញ្ចាប់ ដែលទើបតែមានក្នុងស្រុកខ្មែរ តើជាអ្នកលក់ត្រូវធ្វើដូចម្តេចទើបអតិថិជនព្រមទិញ?
ត្រង់កន្លែងនេះអ្នកអាចប្រាប់ព័ត៌មានខ្លះៗអំពី CEO របស់អ្នកដើម្បីឱ្យអតិថិជនកាន់តែមានទំនុកចិត្ត ឧទាហរណ៍ថា គាត់បានបញ្ចាប់ការសិក្សាផ្នែកគឺមីចំណីរអាហារនៅសហរដ្ឋអាមេរិក មិនតែប៉ុណ្ណោះគាត់មានបទពិសោធជាង២០ឆ្នាំហើយក្នុងវិស័យចំណីរអាហារនេះផ្ទាល់តែម្តង និងអ្វីដែលកាន់តែពិសេសជាងនេះទៅទៀតនោះគឺ លោកបានជាប់ចំណាប់ថ្នាក់លេខ១ ក្នុងការផលិតមីដែលមានគុណភាពខ្ពស់។
២.ប្រភព
ក្រៅពីប្រវត្តិរបស់ម្ចាស់ផលិតផល អ្វីដែលភ្ញៀវចង់ដឹងមួយទៀតគឺប្រភពរបស់ផលិតផល ថាតើវាផលិតឡើងដោយវត្ថុធាតុដើមអ្វីខ្លះ ហើយនៅពេលដែលប្រើប្រាស់ទៅវាផ្តល់អ្វីដល់ពួកគាត់? ចំណុចកន្លែងនេះអ្នកអាចប្រាប់គាត់បានថា វាត្រូវបានផលិតឡើងដោយ គ្រឿងផ្សំសំខាន់ៗមានដូចជា៖
ម្សៅស្រូវសាលី សម្បូរទៅដោយសារធាតុសរសៃរទ្រទ្រង់សារពាង្គកាយ និងប្រូតេអ៊ីនចញ្ចឹមនិងប្រើប្រាស់ប្រេងធម្មជាតិ ដែលចម្រេញចេញពីរុក្ខជាតិដែលមានលក្ខណៈល្អ ប្រសើរច្រើនចំពោះសុខភាព។ក្នុងនោះក៏មានគ្រឿងផ្សំផ្សេងដទៃទៀតដែលសម្បូរដោយសារធាតុ ចិញ្ចឹមសម្រាប់ផ្តល់ថាមពល និងទ្រទ្រង់សារពាង្គកាយថែមទៀត (អតិថិជនចាប់ផ្តើមធ្វើការពិចារណា)។
១. មានចំណុចលើសគេ
អតិថិជននឹងងាកមកប្រើរបស់អ្នកប្រសិនបើអ្នកលើសគេ មានន័យថា ការវេចខ្ចប់ស្អាតជាងគេ ទុកបានយូរជាងគេ ឬល្អជាងគេត្រង់ចំណុចពិសេសណាមួយ។ បើផលិតផលអ្នកដូចតែគេដែរទេ ភ្ញៀវស៊ូរលក់ផលិតផលដែលមានទីផ្សារស្រាប់វិញ ងាយស្រួលជាង។
៣. ក្រសួងពាក់ព័ន្ឋ
គ្រាន់តែប្រាប់អំពី CEO និងប្រភព ភ្ញៀវអាចនឹងមិនជឿស៊ុបទេ លុះត្រាតែអ្នកមានភស្តុតាំងដើម្បីបង្ហាញភ្ញៀវថាអ្វីដែលអ្នកលក់ពិតជា មានការព្រមព្រៀងពីក្រសួងពាក់ព័ន្ឋ ដូច្នេះពាក្យសម្តីដែលអ្នកបង្ហាញទៅអតិថិជនរបស់អ្នក វាកាន់តែមានទំងន់ជាងមុនបន្ថែមទៀត។
ត្រឹមតែនិយាយហើយគ្មានអ្វីសំអាងក៏លក់មិនដាច់ដែរ ដូច្នេះអ្នកអាចព្រីនជារូបភាពពិតៗថា ឱ្យអតិថិជនមានអារម្មណ៍មួយថា អ្វីដែលអ្នកនិយាយដូចអ្វីដែលអ្នកបង្ហាញ (មកដល់ដំណាក់កាលនេះអតិថិជននឹងធ្វើការសម្រេចទិញយ៉ាងហោចក៏៧០ ទៅ៩០ភាគរយដែរ )។
៥. បិទការលក់
ការបិទការលក់គឺជាចំណុចសំខាន់ អតិថិជនអាចសាកប្រើផលិតរបស់អ្នកឬក៏អត់នៅលើការបិទរបស់អ្នកនេះហើយ ដូច្នេះហើយអ្នកអាចសួរគាត់ថា ១.តើបងចង់បានផលិតផលដែលល្អទៅលក់បន្តទេ? ចម្លើយចង់ ២.តើបងជឿលើផលិតផលដែលមានការទទួលស្គាល់ពីក្រសួងពាក់ព័ទ្ឋទេ? ចម្លើយជឿ
៣. បងចង់បានផលិតផលដែលមានការវិចខ្ចប់ល្អទេ? ចម្លើយច្បាស់ជាចង់ ៤. ចុះបើចង់បងត្រូវការប៉ុន្មានដែល? ច្បាស់ពេកហើយអតិថិជនពិបាករកកន្លែងបដិសេធណាស់គាត់និងធ្វើការទិញ តែបើគាត់អត់ទិញ អ្នកអាចឱ្យក្នុងចំនួនណាមួយដើម្បីឱ្យពួកគាត់សាកល្បងប្រើ ហើយបើរបស់អ្នកមានគុណភាពពិតមែន គេនឹងធ្វើការជាវនៅលើកក្រោយ។
អត្ថបទដោយ៖ នៅ ថាត់សណា