នៅថ្ងៃស្អែកនេះ ពិធីបុណ្យចូលឆ្នាំប្រពៃណីជាតិខ្មែរនឹងចូលមកដល់ហើយ ដូច្នេះហើយប្រាកដជាមានបងប្អូនមួយចំនួនចង់ប្រើរូប Artwork ដើម្បីឌីហ្សាញក្នុងឱកាសបុណ្យចូលឆ្នាំថ្មីខាងមុខតែមិនដឹងទៅទាញរូបភាពក្បាច់ខ្មែរតាមណា ដូច្នេះចាបក្រហមសូមណែនាំវេបសាយ១របស់ខ្មែរឈ្មោះ VectorKh.com ដែលកំពុងល្បីល្បាញយ៉ាងខ្លាំង។

ចំពោះវេបសាយ វេបសាយ VectorKh.com គឺបង្កើតឡើងដោយកូនខ្មែរ ដោយអនុញ្ញាតឲ្យគ្រប់គ្នា អាចចូលទៅទាញយករូបភាពស្អាតៗជាច្រើន ទាំងហ្វាល់រូបភាព, File Photoshop (យកមកតុបតែងខ្លួនឯង), និង Logo បែបខ្មែរជាច្រើនទម្រង់ទៀត។ បើតាមការបញ្ជាក់ នៅក្នុង File នីមួយៗ គឺរូបភាពក្បាច់ទាំងអស់នោះ លោកអ្នកអាចយកមកប្រើបានដោយឥតគិតថ្លៃ ប៉ុន្តែស្នើសុំកុំឲ្យយកហ្វាល់ដើម ទៅចែកចាយនៅលើបណ្ដាញសង្គមណាមួយនោះទេ។

ដូច្នេះសម្រាប់អ្នកចង់បានរូបភាពក្បាច់ខ្មែរ ប្រើប្រាស់សម្រាប់ការឌីហ្សាញផ្សេងៗ អាចចូលទៅទាញយកមកប្រើបាន។ មួយវិញទៀត លោកអ្នកក៏អាចចូលរួមបរិច្ចាគថវិកា សម្រាប់ទ្រទ្រង់ការងារទាំងនេះបានផងដែរ ជាមួយ KHQRCode ដែលបង្ហាញនៅលើវេបសាយស្រាប់៕