បើចង់ក្លាយជាអ្នកមាន អ្នកត្រូវចាប់ផ្ដើមគិតរឿងទាំងនេះ ដែលជាផ្នត់គំនិតរបស់សេដ្ឋី

0
2160

តាមពិតទៅ សក្ដានុពលនៃ ការរកប្រាក់ចំណួលរបស់អ្នកមិនមែនចាប់ផ្ដើមពីការងារបស់អ្នកនោះទេ តែវាចាប់ផ្ដើមពីផ្នត់គំនិតរបស់ទៅវិញទេ។ ដូច្នេះអ្នកត្រូវមានការគិតដែលគេហៅថាគំនិតក្នុងការបង្កើនចំណូល។ បើអ្នកចង់កំណត់ខ្លួន​ឯងដើម្បីជោគលើផ្នែកហិរញ្ញវត្ថុ ខាងក្រោមនេះ គឺផ្នត់គំនិតរបស់សេដ្ឋីចំនួនដែលអ្នកគួរតែអនុវត្តន៍៖

១.​ អ្នកមានគិតរយៈពេលវែង

ពួកអ្នកមានមិនគិតតែពេលបច្ចុប្បន្ននោះទេ តែពួកគេគិតសក្ដនុពលនាពេលអនាគតផងដែរ មានន័យថា ពួកគេបានកំណត់គោលដៅ​ ដែលមានរយៈពេលច្រើនឆ្នាំ មិនមែនរយៈពេល មួយសប្ដាហ៍ឬមួយខែនោះទេ។ បើយោងតាម សម្ដីរបស់លោក Keith Cameron Smith ដែលបានសិក្សាពីទម្លាប់របស់សេដ្ឋី ជាច្រើនឆ្នាំបានឲ្យដឹងថាបើអ្នកគិតពីអនាគតឲ្យកាន់តែវែង នោះអ្នកនឹងកាន់តែមាន។

លោក Keith Cameron Smith បានឲ្យដឹងទៀតថា ការគិតគោលដៅរយៈពេលវែងធ្វើឲ្យអ្នកឃើញរូបភាពកាន់តែធំ។ ឧទាហរណ៍ អ្នកអាចសួរសំណួរខ្លួនឯងថា” ធ្វើម៉េចទើបខ្ញុំអាចបង្កើនចំណូលបានទ្វេរដងក្នុងឆ្នាំនេះ” ជាជាងសួរខ្លួនឯងថា” ធ្វើម៉េចទើបខ្ញុំអាចរកលុយបង់ថ្លៃទឹក ភ្លើង ឬផ្ទះក្នុងខែនេះ”។

២.​ អ្នកមានតែងតែ ធ្វើការផ្លាស់ប្ដូរ

ខមនុស្សធម្មតា ខ្លាចការផ្លាស់ប្ដូរ ពួកអ្នកមាន​តែងតែគិត ការផ្លាស់ប្ដូរគឺជា​ឱកាសទៅវិញ។ អ្នកក្រ តែងតែគិតថា ការផ្លាស់ប្ដូរគឹអាចនឹងមានផលអវិជ្ជមានសម្រាប់ពួកគេ​ តែអ្នកមានគិតថា ការផ្លាស់ប្ដូរ ទោះជាវិជ្ជមាន ឬអវិជ្ជមាន តែពួកគេត្រូវតែទទួលយក ព្រោះពួកគេហ៊ានប្រថុយ។ Keith Cameron Smith បានឲ្យដឹងថា អ្នកគួរតែរៀនស្វាគមន៍ ការផ្លាស់ប្ដូរ និងការអភិវឌ្ឍន៍ ដែលតែងតែដើរជាមួយអ្នក ព្រោះវាជួយឲ្យអ្នកកាន់តែមានទំនុកចិត្ត។ ទំនុកចិត្តគឺកើតចេញពី ការត្រៀមខ្លួនរបស់អ្នក និងការខិតខំប្រឹងប្រែងរបស់អ្នក។​

៣. ពួកអ្នកមានរៀនមិនចេះចប់ទេ

ជាការពិតណាស់ ពួកអ្នកមាន ទោះជាពួកគេមានហើយក៏ដោយក៏ ពួកគេរៀនមិនចេះចប់ដែរ។ ពួកអ្នកមាន​ រៀនដើម្បីទទួលបានចំណេះដឹងថ្មីក្នុងការអភិវឌ្ឍន៍ខ្លួន​។ ជាក់ស្ដែង សេដ្ឋី Warren Buffett ដែលជាស្ដេចវិនិយោគបានចំណាយពេល៨០%ក្នុងមួយថ្ងៃក្នុងការអានសៀវភៅ ចំណែកលោក Bill Gates សេដ្ឋីចិត្តធម៌ បានកំណត់ខ្លួនឯងឲ្យអានសៀវភៅចំនួន ៥០ក្បាលក្នុងមួយឆ្នាំ៕

អត្ថបទដោយ៖ ហុង

 

LEAVE A REPLY

Please enter your comment!
Please enter your name here