សហស្ថាបនិកក្រុមហ៊ុនAlibaba លោកJoe Tsai៖ “សហគ្រិនគួរផ្ដោតលើបញ្ហា មិនមែនបច្ចេកវិទ្យាទេ”

0
356

ពាក្យថា​សហគ្រិន​កំពុងត្រូវ​បានគ្រប់គ្នា​ពេញនិយម និងកំពុង​តែ​ព្យាយា​មធ្វើខ្លួន​ឱ្យទៅជា​សហគ្រិនជោគជ័យ​មួយរូប ដោយអ្នកខ្លះទៅសម្លឹង​មើលឃើញ​ពីភាពជោគជ័យ​ឬភាពមានបាន មានឱកាស​ក្លាយទៅជា​មហាសេដ្ឋី​ពាន់លានដុល្លាជាដើម ប៉ុន្តែ​សម្រាប់​សហស្ថាបនិកក្រុមហ៊ុនAlibaba លោក Joe Tsai យល់ឃើញថាសហគ្រិនជាអ្នកដោះស្រាយបញ្ហា​សង្គម។

ខណៈពេល​ដែល​អាជីវកម្មបង្កើត​ថ្មីខាង​បច្ចេកវិទ្យា​កំពុង​តែមានការរីកផុស​ផុល​ខ្លាំង​ លោក Joe Tsai គាត់​សង្កេត​ឃើញ​ថា​ស្ថាបនិកក្រុមហ៊ុនបង្កើត​ថ្មីទាំង​នោះភាគច្រើន​ចាប់ផ្ដើម​រកស៊ីដោយផ្ដោត​ទៅលើ​ការបង្កើត​ជា​បច្ចេកវិទ្យាមុន រួច​ទើបរកបញ្ហា​មកដោះស្រាយ​តាមក្រោយ ហើយគាត់​បាន​លើកឡើងក្នុងព្រឹត្តិការណ៍​នៃអាជីវកម្មបង្កើតថ្មីរបស់ក្រុមហ៊ុន Alibaba គឺ Jumpstarterនោះថា៖ “ការពិតទៅ ធ្វើបែបនេះ វាបញ្ច្រាស​ទៅនឹង​របៀប បង្កើត​ក្រុមហ៊ុនដែលមានអាយុកាលវែង​ ប្រកបដោយចីរភាព”។

គាត់បានលើកឡើង​ពីការ​រីកចម្រើននៃ​បរិយាកាស​នៃ​អាជីវកម្មបង្កើត​ថ្មីថាកំពុង​តែ​កក្រើក​និងរំជើបរំជួល ហើយលោកបានក្រើនរំឮកក្នុង​ព្រឹត្តិការណ៍ដដែលនោះថា៖ “ក្រុមហ៊ុនដែលអស្ចារ្យ​នៅលើពិភពលោក ព្យាយាមស្វែង​រកបញ្ហា​ដើម្បីដោះស្រាយ មិនថា​វាជាបញ្ហា​ក្នុង​វិស័យជំនួញ ឬក៏បញ្ហានៅក្នុង​សង្គមនោះទេ”។

ជាឧទាហរណ៍ជាក់ស្ដែង​គាត់បានលើកឡើង​ពី​ក្រុមហ៊ុន Alibaba ដោយកាលពី២០ឆ្នាំមុន ក្រុមហ៊ុន​នេះ​មិនមែនបង្កើត​ដោយសារតែ​មានបច្ចេកវិទ្យា​អ៊ីនធឺណេត ឬផ្សារទំនិញអនឡាញដែលគេហៅថា E-Commerce ដែរ តែ​ក្នុង​គោលបំណង​មួយជួយ​ឱ្យ​បណ្ដារអាជីវកម្មនៅចិន​មានលទ្ធភាពពង្រីកខ្លួននាំចេញលក់ទៅកាន់ពិភពលោក​ ខណៈដែលពេលនោះ​វិស័យពាណិជ្ជកម្មត្រូវ​បាន​គ្រប់គ្រងលប់លើស​ដោយសហគ្រាស​របស់រដ្ឋាភិបាល។

ហើយគាត់​បញ្ជាក់​បន្ថែមទៀត​ពីការ​រកស៊ី​របស់ក្រុមហ៊ុន ​Alibaba ថ្វីត្បិត​ថា​ច្រើនមុខ​ច្រើនបែបមែន តែ​មានបេសកកម្មគោលតែមួយប៉ុណ្ណោះ គឺ​ធ្វើឱ្យងាយស្រួលក្នុង​ការ​រកស៊ីបើទោះជានៅកន្លែង​ណាក៏ដោយ។ សម្រាប់លោក Joe Tsai រឿង​៣សំខាន់បំផុត​ដែលត្រូវ​គិត​មុននឹង​ចាប់ផ្ដើម​អាជីវកម្មគឺ បេសកម្ម​ ទស្សនៈវិស័យ​ គុណតម្លៃ​។

គូស​បញ្ជាក់ថា លោក Joe Tsai ជាសហស្ថាបនិក​ម្នាក់ក្នុង​ចំណោម​ ស្ថាបនិកទាំង​១៨របស់​ក្រុមហ៊ុនលក់​រាយ​ លក់ដុំទំនិញគ្រប់ប្រភេទ​នៅលើ​អ៊ីនធឺណេត​គឺ ​Alibaba ដែលផ្ដួចផ្ដើម​គំនិត​ដោយ​ស្ថាបនិកមាឌល្អិត​ចិត្ត​ធំលោក Jack Ma ហើយសព្វថ្ងៃ​ Alibaba មានតម្លៃ​៣៩៤ពាន់លានដុល្លា៕

 

អត្ថបទដោយ៖ ខុន សក្ក័ដា

LEAVE A REPLY

Please enter your comment!
Please enter your name here