វិនិយោគដីធ្លីនៅតំបន់ជាយក្រុងនៅតែមានសក្តានុពលខ្លាំងសម្រាប់យុវជនមានចំណូលទាប និងមធ្យម

0
204

ដីឡូតិ៍តម្លៃទាបបានក្លាយជាទីផ្សារដ៏មានសក្តានុពលនៅក្នុងវិស័យអចលនទ្រព្យកម្ពុជានៅក្នុងរយៈពេលប៉ុន្មានឆ្នាំចុងក្រោយនេះ។ ក្រៅពីគម្រោងខុនដូ អាផាតមេន និងផ្ទះតម្លៃថ្លៃនៅ កណ្តាលទីក្រុង បុរីទំនើបៗ គម្រោងដីឡូតិ៍គឺជាជម្រើសល្អបំផុតសម្រាប់អ្នកមានលទ្ធភាពតិចតួចអ្នកមានជីវភាពទាប ឬធម្យមដែលមានបំណងចង់រស់នៅក្នុងទីក្រុង។

បើក្រឡេកមើលពីកំណើនប្រជាពលរដ្ឋវិញ យុវជនកាន់តែមានច្រើនឡើងបានសម្រុកមកធ្វើការ រកស៊ី និងសិក្សានៅទីក្រុងភ្នំពេញ ហើយជាពិសេសពួកគេភាគច្រើនស្ថិតនៅកម្រិតចំណូលទាប និងមធ្យម មិនអាចមានលទ្ធភាពទិញអចលនទ្រព្យថ្លៃៗពេកនោះទេ ដូច្នេះការវិនិយោគដីធ្លី ឬលំនៅឋានតំបន់ជាយក្រុងជាទិសដៅល្អសម្រាប់ពួកគេធ្វើការវិនិយោគដោយផ្ទាល់។

ដីដែលនៅជិតតំបន់គម្រោងអភិវឌ្ឍន៍ដីឡូតិ៍ទាំងនេះបានឡើងថ្លៃភ្លាមៗនេះបើតាមការឲ្យដឹងពីភ្នាក់ងារដីឡូតិ៍ (សុំមិនបញ្ចេញឈ្មោះ)។ ដីស្រែដែលពីមុនមានតម្លៃក្រោម១០ដុល្លារបច្ចុប្បន្នបានកើនដល់២០ទៅ៣០ដុល្លារក្នុងមួយម៉ែត្រការ៉េអាស្រ័យតាមតំបន់និមួយៗទំហំដី និងសណ្ឋានផ្លូវនៅតំបន់នេះ។

លោក សំ វុទ្ធី ជាប្រជាពលរដ្ឋម្នាក់ដែលមានដីជាង២ហិកតានៅជិតផ្លូវជាតិលេខ៣បានឲ្យដឹងថាលោកបានដាក់លក់ដីក្នុងតម្លៃជាង១០ដុល្លារក្នុងមួយម៉ែត្រការ៉េប៉ុន្តែបច្ចុប្បន្នបន្ទាប់ពីដឹងថា ដីរបស់លោកស្ថិតនៅក្បែរគម្រោងដីឡូតិ៍លោកបានបង្កើនតម្លៃលក់ខ្ពស់ជាងនេះ។

យោងទៅតាមរបាយការណ៍តម្លៃដីរបស់ក្រុមហ៊ុន ឃី រៀល អ៊ីស្ទេត សម្រាប់ឆមាសទីមួយឆ្នាំ២០១៨នេះបានបង្ហាញថាដីលំនៅដ្ឋាននៅក្នុងសង្កាត់ក្រាំងពង្រ ខណ្ឌដង្កោ បច្ចុប្បន្នមាន តម្លៃជាមធ្យមជិត​ ១០០ ដុល្លារ ក្នុងមួយម៉ែត្រការ៉េចំណែកដីមានសក្តានុពលសម្រាប់អាជីវកម្ម ឬពាណិជ្ជកម្មមានតម្លៃខ្ទង់ ១២០ ទៅ ១៣០ ដុល្លារ ក្នុងមួយម៉ែត្រការ៉េ។

ដីលំនៅដ្ឋាននៅក្នុងសង្កាត់ពងទឹកវិញ បច្ចុប្បន្នមានតម្លៃជាមធ្យម១០០ដុល្លារក្នុងមួយម៉ែត្រការ៉េ ចំណែកដីមានសក្តានុពលសម្រាប់អាជីវកម្ម ឬពាណិជ្ជកម្ម មានតម្លៃខ្ទង់ ២០០ ដុល្លារក្នុងមួយម៉ែត្រការ៉េ។ នេះបើតាមរបាយការណ៍ដដែល។

ទាក់ទងនឹងការបង្ហាញវត្តមានដ៏គួរឲ្យភ្ញាក់ផ្អើលរបស់តារាល្បីៗ ទាំងពីនាក់នេះនៅក្នុងវិស័យ អចលនទ្រព្យគឺបានសរបញ្ជាក់ឲ្យឃើញថា ទីផ្សារដីធ្លីពិតជាកំពុងមានសក្តានុពលខ្លាំង សម្រាប់អ្នកវិនិយោគ ហើយអ្នកទិញក្នុងស្រុកពិតជាមានតម្រូវការច្រើន។

អ្នកជំនាញបានបង្ហាញសុទិដ្ឋិនិយម និងមានការភ្ញាក់ផ្អើលចំពោះចំនួនដ៏ច្រើន និងភាពឆាប់រហ័សបំផុតនៃការលក់គម្រោងដីឡូតិ៍របស់ លោកព្រាប សុវត្តិ។​ ក្នុងនោះក៏មានលើកឡើង ដែរថាការទុកចិត្តរបស់អតិថិជនពិតជាមានសារៈសំខាន់ណាស់ចំពោះអ្នកលក់ដីឡូតិ៍។

ការលើកឡើងដូចនេះ គឺក៏មានន័យដែរថា អ្នកទិញដីឡូតិ៍ គឺទិញភាពស្របច្បាប់ ទិញអត្ថប្រយោជន៍ ទិញផលចំណេញ ក្នុងនោះទំនុកចិត្តចំណុចដំបូងនៃការចាប់ផ្តើម។

អ្នកជំនាញជឿថា តំបន់ជាយក្រុង និងតំបន់ក្រុងនឹងតភ្ជាប់គ្នាយ៉ាងឆាប់រហ័ស នៅពេលដែល គម្រោងដីឡូតិ៍មានដំណើរការល្អ រួមផ្សំនឹងការលើកទឹកចិត្តពីរដ្ឋាភិបាលតាមរយៈការផ្តល់់ ប្រព័ន្ធហេដ្ឋារចនាសម្ព័ន្ធសមស្រប។ គិតជារួមតម្លៃអចលនទ្រព្យនឹងបន្តកើនឡើងជានិច្ច នៅពេលគ្រប់ភាគីពាក់ព័ន្ធបានគិតគូច្បាស់លាស់ពីអនាគតនៃវិស័យទាំងមូល៕

ប្រភពដោយ៖Realestate.com.kh

ប្រភពដោយ៖ Business Cambodia

LEAVE A REPLY

Please enter your comment!
Please enter your name here