ស្គាល់ឡាន Toyota យូរហើយ ពេលនេះទើបដឹងថាការពិត Toyota បានផលិតឡានលើសពី ១០០ ម៉ូឌផ្សេងគ្នា

0
454

ធ្លាប់តែឃើញឡាន Toyota ដែលល្បីៗ ៥-៦ ម៉ូឌែលនៅស្រុកខ្មែរ តែការពិត Toyota បានផលិតឡាន ១០០ ម៉ូដជាងដើម្បីតម្រូវទៅតាមទីផ្សារផ្សេង ។

ម៉ូឌដែលល្បីៗដែលយើងស្គាល់មានដូចជា Toyota Prius ត្រូវបានបង្កើតឡើងដំបូងនៅឆ្នាំ ១៩៩៧ និងបានលក់ចេញទៅទីផ្សារពិភពលោកនៅឆ្នាំ ២០០០ ទៅកាន់ទីផ្សារប្រហែល ៨០ ប្រទេស ហើយទីផ្សារដែលធំបំផុតគឺនៅអាមេរិក ។

ក្រៅពីម៉ូឌែលល្បីៗដែលយើងស្គាល់ដូចជា Camry, Tacoma, RAV4, Tundra, Highlander, Land Cruiser, Corolla, Hilux ខាងក្រោមនេះជាម៉ូឌែលចាស់និងថ្មីរបស់ Toyota ដែលមិនសូវមានអ្នកស្គាល់ ។

  1. Toyota Century ផលិតនៅឆ្នាំ ១៩៦៧
  2. Toyota Crown Majesta ផលិតនៅឆ្នាំ ១៩៩១
  3. Toyota Crown ផលិតនៅឆ្នាំ ១៩៥៥
  4. Toyota SAI ផលិតនៅឆ្នាំ ២០០៩
  5. Toyota MIRAI ផលិតនៅឆ្នាំ ២០១៤
  6. Toyota Mark X ផលិតនៅឆ្នាំ ២០០៤
  7. Toyota Allion ផលិតនៅឆ្នាំ ២០០១
  8. Toyota Premio ផលិតនៅឆ្នាំ ២០០១
  9. Toyota Prius PHV ផលិតនៅឆ្នាំ ២០០១
  10. Toyota Corolla Axio ផលិតនៅឆ្នាំ ២០០៦
  11. Toyota 86 ផលិតនៅឆ្នាំ ២០១២
  12. Toyota Harrier ផលិតនៅឆ្នាំ ១៩៩៧
  13. Toyota C-HR ផលិតនៅឆ្នាំ ២០១៦
  14. Toyota FJ Cruiser ផលិតនៅឆ្នាំ ២០១០
  15. Toyota Prado ផលិតនៅឆ្នាំ ១៩៩០
  16. Toyota Avensis ផលិតនៅឆ្នាំ ១៩៩៧
  17. Toyota Corolla Fielder ផលិតនៅឆ្នាំ ២០០០
  18. Toyota Prius α ផលិតនៅឆ្នាំ ២០១១
  19. Toyota Isis ផលិតនៅឆ្នាំ ២០០៤
  20. Toyota Alphard ផលិតនៅឆ្នាំ ២០០២

ឡាននៅក្នុងបញ្ជីខាងលើនេះសុទ្ធតែជាឡានដែលប្រើសម្រាប់បើកបរផ្ទាល់ខ្លួនឬជាលក្ខណៈគ្រួសារ នៅសល់ប្រមាណជា ៨០ ម៉ូឌែលផ្សេងទៀតជាឡានប្រើសម្រាប់ដឹកទំនិញ ឡានក្រុង ឡានសម្រាប់ដឹកអ្នកដំណើរ កូនឡានតូចៗ ឡានប្រណាំង និងឡានស្ព័រ ។

គួររំលឹកបន្តិចថា ក្រុមហ៊ុន Toyota ត្រូវបានបង្កើតឡើងជាផ្លូវការដោយលោក Kiichiro Toyoda នៅឆ្នាំ ១៩៣៧ និងចេញឡានដឹកអ្នកដំណើរដំបូងគេនៅឆ្នាំ ១៩៣៦ ។ ក្រុមហ៊ុន Toyota Motor Corporation បានផលិតរថយន្តនៅក្រោមយីហោ៥ រួមមាន Hino, Lexus, Ranz, និង Daihatsu ដូចនេះហើយបានជា Toyota ពូកែចេញគំនិតប្លែកៗក្នុងការបង្កើតឡានរហូតដល់ ១០០ ម៉ូឌែលផ្សេងគ្នា ។

អត្ថបតដោយ ៖ ហ៊ួត សុធារ៉ា

LEAVE A REPLY

Please enter your comment!
Please enter your name here