វ័យ១៤ឆ្នាំ ខួរក្បាលដូចម៉ាស៊ីនគិតលេខ ក្លាយជាសាស្រ្តាចារ្យគណិតវិទ្យាមហាវិទ្យាល័យនៅអង់គ្លេស

មិនសរសើរមិនបាន! កុមារា Yasha Asley សញ្ជាតិ អ៊ីរ៉ង់កាត់អង់គ្លេសវ័យ១៤ឆ្នាំ ត្រូវបានគេប្រសិទ្ធិ​នាមថាមនុស្ស​ខួរ​ក្បាល​ម៉ា​ស៊ី​​នគិតលេខ​ ហើយត្រូវបានសាលកវិទ្យល័យដ៏ល្បីមួយនៅអង់គ្លេសជួលឲ្យធ្វើជាសាស្រ្តាចារ្យគណិតវិទ្យា ដើម្បីជួយ​បង្រៀ​ន​​ម​នុស្សធំ។

យោងតាមការចុះផ្សាយរបស់ព័ត៌មាន ​Daily Mail Online បានឲ្យដឹងថា Yasha Asley ត្រូវបានសាកលវិទ្យាល័យ University of Leicester នៃចក្រភពអង់គ្លេស​ ទទួលយកធ្វើជាសា​ស្ត្រាចា​រ្យគណិត​វិ​ទ្យា ហើយអ្វីដែលពិសេសនោះគឺ រូបគេអាចប្រជែងគ្នាជាមួយបេក្ខជនដែលមានវ័យចំណាស់ជាច្រើន ក្នុងការចូលកាន់​តំណែង​ជា​​សាស្រ្តាចារ្យគណិតវិទ្យាក្នុងសាកលវិទ្យាល័យមួយនេះ។

Yasha Asley ត្រូវបានគេចាត់ទុកថាជា បុគ្គលិកសាស្រ្តាចារ្យក្មេងបំផុត​ មិនតែប៉ុណ្ណោះគេក៏ជា សិស្សថ្នាក់​សាក​ល​វិទ្យា​ល័យ​ក្មេង​បំផុត​ខណៈដែលរូបគេ​បានក្លាយជាសាស្ត្រាចារ្យ ហើយគេក៏ជានិស្សិតររៀន​ថ្នាក់បរិញ្ញាប​ត្រគណិតវិទ្យា​នៅសាកលវិទ្យា​ល័យ​ដែលគេកំពុងតែបង្រៀននេះផងដែរ​។

នៅសាកលវិទ្យាល័យ University of Leicester សាស្ត្រាចារ្យ Yasha Asley បានជួយបង្ហាត់បង្រៀនសិស្សនិស្សិត​ដែលមា​នវ័​យ​ចាស់ជាងខ្លួនដោយបានបង្រៀនសិស្សណាដែលខ្សោយមុខវិជ្ជាគណិតវិទ្យា ហើយថ្វីត្បិត​តែរូប​គេ​វ័យក្មេងក៏​ពិត​មែន​តែ​អា​ច​​សមត្ថភាពបង្រៀននឹងពន្យល់ឲ្យសិស្សឆាប់យល់ឆាប់ចេះ។

សាស្រ្តាចារ្យគណិតវិទ្យាវ័យក្មេងរូបនេះបាន និយាយថា” ខ្ញុំពិតជាសប្បាយចិត្តរកអ្វីនិយាយមិនចេញសោះ ព្រោះរូបខ្ញុំទើ​ប​តែ​វ័​យ១៤ឆ្នាំប៉ុណ្ណោះតែអាចក្លាយជាសាស្ត្រាចារ្យគណិតវិទ្យា​ថ្នាក់មហាវិទ្យាល័យ ហើយរូបខ្ញុំស​ប្បាយចិត្តដែល​បាន​ជួយ​បង្រៀ​ន​​សិស្សដទៃដែលខ្សោយមុខវិជ្ជាគណិតវិទ្យាព្រោះខ្ញុំជាមនុស្សចូលចិត្តចែករំលែកចំណេះដឹង។

បន្ទាប់ពីបានរៀនចប់ថ្នាក់ទី៦នៅសាលារដ្ឋ សាស្ត្រាចារ្យវ័យកុមាររូបនេះមិនបានទៅរៀនថ្នាក់អនុវិទ្យាល័យ នឹងថ្នាក់​វិទ្យាល័​យ​នោះទេ ពោលគឺរូបគេ ទៅបន្តការសិក្សានៅថ្នាក់មហាវិទ្យាល័យតែម្ដង។

គួរជម្រាបផងដែរថា Yasha Asley គឺជាកុមារដំបូងបំផុតក្នុងលោកដែលអាចមានសមត្ថភាពធ្វើតេស្តមុខវិជ្ជាគណិតវិទ្យា បាន​និ​ទ្ទេស A ក្នុងគណិតវិទ្យាកម្រិត A ដោយទទួលបានពិន្ទុ ១០០ភាគរយ និង ៩៩ភាគរយពេលរូបគេមានវ័យ ៨ឆ្នាំ ហើយ​នៅ​វ័​យ ៩ និង ១០ឆ្នាំ គេក៏ទទួលបាននិទ្ទេសA លើមុខវិជ្ជាគណិតវិទ្យានិង ស្ថិតិផងដែរ៕

អត្ថបទដោយ៖ ហុង

Email: [email protected]